web counter
LEXO PA REKLAMA!

SHKARKO APP

App Store
Google Play

KPA shkarkon nga detyra Alfred Ballën

21 Maj 2024, 15:20, Aktualitet CNA

Kolegji i Posaçëm i Apelimit ka dhënë këtë të martë vendimin për kreun e Këshillin të Lartë të Prokurorisë, Alfred Balla. 

KPA ka pranuar sot kërkesën e Komisionerit Publik, duke vendosur që Alfred Balla të mos zgjidhet gjyqtar, prokuror për 15 vite, duke u përjashtuar nga sistemi i drejtësisë. 

"Trupi gjykues e gjen të drejtë ankimin e Komisionerit publik duke konkluduar se vendimi i KPK-së është i pabazuar në fakte e ligj dhe si i tillë duhet ndryshuar. Trupi gjykues me shumicë votash vendos ndryshimin e vendimit nr 675 të KPK-së si më poshtë: Ndërprerjen e procesit të rivlerësimit për Alfred Ballën. Subjekti i vlerësimit nuk mund të emërohet gjyqtar apo prokuror i çdo niveli, anëtar i KLP-së apo KLGj-së, inspektor i lartë i drejtësisë apo prokuror i përgjithshëm për një periudhë 15-vjeçare", thuhet në njoftim. 

Vendimi u dha sot  trupa gjykuese e përbërë nga Ina Rama kryesuese, Albana Shtylla relatore, Natasha Mulaj, Rezarta Schuetz, Sokol Çomo anëtarë.

Në qershor të 2023, Komisioni i Pavarur i Kualifikimit nuk ka dha një vendim përfundimtar për Alfred Ballën, pra me një vendim që nuk do të thotë as shkarkim dhe as konfirmim në detyrë për shkak se ai rezultoi të mos kishte pasur statusin e magjistratit.

Për këtë bëri një ankesë në KPA  Komisionerit Publik. 

Balla iu desh t'i nënshtrohej procesit të rivlerësimit pasi deri më 31 korrik 2017 ka punuar si ndihmës ligjor në Gjykatën e Lartë.

Fillimisht ai e kundërshtoi vettingun me “e-mail”, duke pretenduar “se një proces i tillë nuk është i nevojshëm për të, pasi nuk ka statusin e magjistratit si ndihmës ligjor në Gjykatën e Lartë”. Madje Balla ka bërë edhe padi në Gjykatën Administrative duke thënë se është shkarkuar nga ky post.

Vëzhguesit e Operacionit Ndërkombëtar të Monitorimit kundërshtuan me forcë kërkesën e Ballës për të ndaluar vettingun e tij./CNA

 





Lajmet e fundit nga