web counter
LEXO PA REKLAMA!

SHKARKO APP

“Kemi zbuluar dy administratorë”/ Këlliçi: Së shpejti në SPAK, ja kur do të mbarojnë protestat

21 Maj 2024, 11:46, Aktualitet CNA
“Kemi zbuluar dy administratorë”/ Këlliçi: Së
Belind Këlliçi

Drejtuesi politik i PD-së për Tiranën, Belind Këlliçi, ka deklaruar para Bashkisë së Tiranës se janë zbuluar dy vartës të Veliajt, Arben Maloku dhe Kujtim Qefalia, për të cilët provat do të depozitohen në SPAK.

Këlliçi bëri me dije se protestat do të vijojnë derisa Veliaj të largohet nga bashkia.

Ai ka paralajmëruar se nëse kryebashkiaku nuk largohet nuk do të ndalen as protestat.

“Të gjitha janë në SPAK, pjesë e dosjes '5D'. Kemi zbuluar 2 administratorë të 2 ish-komunave të Tiranës, Arben Maloku dhe Kujtim Qefalia.

Do të dokumentohen së shpejti në SPAK. Çdo gjë që kemi bërë, nuk jemi mjaftuar vetëm me deklarata publike, por çdo dokument është depozituar në SPAK.

Shpesh dëgjojmë se PD ka probleme me drejtësinë, por nuk ka forcë që e ka asistuar më shumë SPAK-un sesa ne.

Protestat do të vijojnë. Kërkesa është largimi i një hajduti që është në krye të bashkisë, nëse ai nuk largohet protestat nuk mbarojnë”, tha Këlliçi./ CNA





Lajmet e fundit nga