web counter
LEXO PA REKLAMA!

SHKARKO APP

App Store
Google Play

“Serveri në SPAK, ‘kuti pandore’”/ Karamuço: Do dalin politikanë e policsë të tjerë

20 Maj 2024, 22:30, Aktualitet CNA
“Serveri në SPAK, ‘kuti pandore’”/ Karamuço:
Eksperti i Kriminalistikës Ervin Karamuço

Një paralajmërim ka ardhur nga eksperti i Kriminalistikës Ervin Karamuço, teksa ka folur për mega-operacionin e SPAK-ut.

Karamuço tha në një dalje televizive se SPAK ka paralizuar 40% të organizatave kriminale me operacionin e fundit. Ai deklaroi se në vijim do ta dalin edhe politikanë të tjerë dhe policë të lidhur me krimin.

“‘SKY’ po i mbyll gojën shumë njerëzve që deri dje rrihnin gjoksin. Duhet të verifikon dhe ca kode aty që nuk dihet kush janë. Gjithë shteti është në akuzën, prezumohet që është i lidhur.

Në metamorfozë 3, SPAK ka paralizuar 40% të organizatave kriminale, do shohim edhe politikanë dhe më shumë policë. Çfarë bënë këta që njerëzit mos të dilnin, i futën pistoletën në gojë një bashkëshorti të një gjyqtareje, fotografuan fëmijën e një prokurori. Shiko çfarë presioni ka SPAK, por ka bërë një tërmet”, u shpreh eksperti.

Karamuço theksoi se një server që ruhet në SPAK, do të hapë një “kuti pandore”.

“Mafia e tokave, lojërat e fateve dhe e drogës. Janë tri çështje dhe duhet të fillohej nga mafia e tokës. Aty janë dy grupe kriminale që mungojnë. Nëse serverat që janë në SPAK do të hapen, kush politikan ka hyrë ka vizituar shtëpitë e tyre. Do hapë një ‘kuti pandore’ ai serveri”, nënvizoi ai./ CNA





Lajmet e fundit nga