web counter
LEXO PA REKLAMA!

SHKARKO APP

App Store
Google Play

E fundit!

x

"Veprim i rrezikshëm"/ Myftinia, e shqetësuar për martesën e dy grave në Bashkinë e Tiranës

20 Maj 2024, 15:43, Aktualitet CNA

Myftinia e Tiranës ka reaguar për martesën e 2 grave në tarracën e bashkisë së kryeqytetit.

Myftinia e Tiranës shpreh shqetësim për celebrimin e grave, duke theksuar se është një veprim i rrezikshëm që shkatërron familjen dhe kulturën kombëtare.

Myftinia u bën thirrje institucioneve të jenë të kujdesshme ndaj ngjarjeve të tilla dhe të mos profilizohen në drejtimin e kundërt me pjesën dërrmuese të votuesve dhe taksapaguesve shqiptarë.

“Myftinia Tiranë ka përcjellë me shqetësim aktin e pabazuar ligjërisht të një "martesë" mes dy individësh të së njëjtës gjini të mbajtur në ambientet e një institucioni shtetëror.

Me të njëjtin intensitet, Myftinia Tiranë përcjell edhe shqetësimin e mijëra besimtarëve dhe qytetarëve të Tiranës, të cilët ndihen të irrituar para një akti të tillë i cili nuk përfaqëson as botëkuptimin, as fenë dhe as traditën e shqiptarëve.

Zhvillimi i një procedure të tillë në kundërshtim me ligjin shqiptar dhe Kodin e Familjes së Republikës së Shqipërisë është një veprim i rrezikshëm për të legalizuar dhe normalizuar një proces që tenton të imponohet pa dëshirë përmes shkatërrimit të familjes dhe kulturës sonë kombëtare.

Ne, këshillojmë dhe u bëjmë thirrje institucioneve të jenë të kujdesshme ndaj ngjarjeve të tilla duke mos u profilizuar në drejtimin e kundërt me pjesën dërrmuese të votuesve dhe taksapaguesve shqiptarë.

Myftinia Tiranë, mbetet e angazhuar tërësisht dhe fuqimisht në mbështetjen dhe promovimin e vlerave të familjes si thelbi i shoqërive të krijuara nga Zoti i Lartësuar për mbarëvajtjen e njerëzimit.

Po ashtu mbetet e angazhuar në promovimin e çdo akti i cili synon lartësimin moral të ndërgjegjes sonë kombëtare si dhe çdo sipërmarrjeje që çon drejt mirëqenies sonë publike materiale apo shpirtërore qoftë ajo”, theksohet në deklaratë./ CNA





Lajmet e fundit nga