web counter
LEXO PA REKLAMA!

SHKARKO APP

App Store
Google Play

E fundit!

x

Do të spiunohej nga Meta/ Filip Talo dëshmon në prokurori: Nuk dua të shqetësohet familja

20 Maj 2024, 11:23, Aktualitet CNA

Do të spiunohej nga Meta/ Filip Talo dëshmon në prokurori: Nuk

Filip Talo, shoku i Ilir Metës, për të cilin ky i fundit do të realizonte një përgjim në bashkëpunim me Sigurimin e Shtetit, ka përfunduar dëshminë në Prokurori.

"Nuk dua që të shqetësohet më familja ime. Kam dhënë shpjegime para prokurorëve", është shprehur Talo. 

Talo u pyet sot për kallëzimin e Metës kundër Autoritetit të Dosjeve.

Në qershor të vitit të kaluar Gjykata e Apelit detyroi përfundimisht Prokurorinë të regjistronte procedim penal ndaj Autoritetit të Dosjeve, pas kallëzimit të bërë kundër këtij institucioni, nga ish-presidenti Ilir Meta.

Meta bëri kallëzim ndaj këtij institucioni më 6 shtator 2022, pas akuzave dhe dyshimeve se ka qenë ish-spiun i Sigurimit të Shtetit. 

Meta sqaroi në kallëzim se ka marrë certifikatën e pastërtisë së figurës nga dy komisionet e ngritura në vitet ’90, si dhe nga vetë Autoriteti i Dosjeve në prill të vitit 2017, çka e përjashton nga detyrimi për t'u verifikuar sërish. 

Në korrik të 2022-shit, pas një kërkese të mbërritur në e-email për të verifikuar ish-presidentin, Autoriteti i Dosjeve njoftoi Kuvendin se ka ndeshur me informacione dhe të dhëna mbi personazhin me profil të lartë politik.

Pak javë më parë, CNA TV publikoi një dokument tjetër që tregon se Ilir Metaj u pagua 50 lekë nga Sigurimi i Shtetit, për një shërbim të kryer ndaj kësaj strukture.(lexo këtu)

Dokumenti tregon se Ilir Meta ka qenë bashkëpunëtor i paguar nga Sigurimi famëkeq i Shtetit gjatë diktaturës.

Dokumenti sekret, i cili është deklasifikuar një vit më parë, mban datën 6 shkurt të 1989-ës dhe është një vendim për tërheqjen e parave nga fondi sekret për interesa operative të ish-Sigurimit të Shtetit.

Po kështu në CNA publikoi edhe një tjetër dokument, se si Meta në bashkëpunim me Sigurimin e Shtetit do të kryenin përgjimin e Ilir Talos në një lokal te zona e Liqenit Artificial në Tiranë.

Me 50 lekëshin që do të merrte nga Sigurimi i Shtetit, Meta do të përgjonte shokun e tij, i cili i kishte treguar se do të arratisej jashtë vendit./CNA 

 





Lajmet e fundit nga