E fundit!

09:23 Aktualitet

Shqipëria avancon në negociatat me BE-në, sot hap i ri drejt integrimit europian

Shqipëria shënon një tjetër moment të rëndësishëm në rrugë...

Doktori bashkohet me bandat, dosjen "5D" dhe inceneratorët/ Dumanin e kemi armik

19 Maj 2024, 09:54, Aktualitet CNA

Doktori bashkohet me bandat, dosjen "5D" dhe inceneratorët/

Ish-kryeministri Sali Berisha

Ish-kryeministri, doktor Sali Berisha, është bashkuar me bandat, dosjen "5D" dhe inceneratorët në një sulm ndaj kreut të SPAK-ut Altin Dumani. Ka qajse edhe më të ashpër se Fatmir Xhafaj dhe Erion Veliaj, por janë në të njëjtën valë.

Nga ballkoni i banesës së tij, Berisha lëshon çdo ditë akuza ndaj kryeprokurorit duke thënë se është i lidhur me qeverinë.

Në daljen e fundit, Berisha e cilëson si armik Altin Dumanin, duke hyrë në një listë me bandat, dosjen "5D" dhe inceneratorët.

Duket se doktori ecën me parimin se armiku i armikut tim është miku im. Berisha është bashkuar me 50 kriminelët e shpallur në kërkim, me ministrat e korruptuar, me drejtorët hajdutë të Veliajt & Co për të cilët Dumani mund të jetë vërtetë një armik. Miq të mirë ka gjetur doktori në pleqëri.

“Qytetarë dhe qytetare, dëgjoni çdo ditë se Zamani dhe Dumani lëshojnë fletë-arresti kallp, lëshojnë fletë-arresti pasi njofton ata për të cilët lëshohet fletë-arresti, t’ia mbathin në të katër anët. Nuk kishte akt më të turpshëm, më të shpifur se të njoftojë se lëshoi 50 fletë-arresti, në një kohë kur asnjë nga kriminelët nuk u arrestua. Sepse fletë-arrestin Zamani i krimit e lëshoi pasi ata u larguan, u larguan, u njoftuan, ikën, e paguan e kështu me radhë. Tallet me një komb të tërë ky faqezi që nuk ka nder as dinjitet. Kujt ia bën këto ky? Po e kemi armikun më të egër atë, le ta lavdërojë kush të dojë, është armik i shqiptarëve, armik i Shqipërisë”, është shprehur doktor Sali Berisha.

Doktori nuk mund të jetë dhe me inceneratorët, dosjen "5D" dhe grupet kriminale që i denoncon ditë pas dite dhe kundër Dumanit dhe SPAK-ut që po i çon përpara drejtësisë.

Ose po shkon me parimin armiku i armikut tim është miku im, ose rrugës ngatërron armiqtë.

As Dumanin e as SPAK-un s'i ka armiq, tjetërkënd ka armik, por atë s’e thotë se beson që mund ta rregullojë me armikun e vërtetë që nuk e përmend kurrë./ CNA