web counter
LEXO PA REKLAMA!

SHKARKO APP

App Store
Google Play

E fundit!

x

RTSH-ja s’ka lekë për Evropianin, por harxhon miliona për “projektet” e Evropianit

19 Maj 2024, 16:34, Aktualitet CNA

Arsyeja e rënies në mënyrë të tillë e RTSH-së mund të ketë shumë përgjigje, në kërkim të së vërtetës. E sigurt është që ai institucion po bie, çuditërisht, si asnjëherë më parë, në të gjitha drejtimet. Jo vetëm në cilësinë e transmetimeve, jo vetëm në letrat me shifra të korruptuara, por edhe në denigrimin maksimal të burimeve njerëzore, nëpërmjet arrogancës piramidale që shpërndahet nga “UNI”, (apo “Ui”, nëse do t’i referoheshim Arturos së famshëm).

Shikoni sportin p.sh. para një viti e gjysmë, duartrokitjet për ndeshjet e Kupës së Botës shoqëroheshin me ato të transmetimeve të kanalit të sportit. Shikojeni sot, të rënë, fatkeqësisht në mediokritet transmetimesh. Duket se askush nuk do të harxhojë më para për të blerë të drejta transmetimesh sportive dhe një pyetje lind vetiu: ku shkojnë këto para?

RTSH-ja s’ka lekë për Evropianin, por harxhon miliona për
RTSH

A ka pasur RTSH-ja më shumë buxhet para disa vitesh kur kishte: UEFA Champions League (pas finales së 1 qershorit, nuk e ka më), Kupën e Anglisë në futboll (nuk e ka më), Kombëtaren e futbollit (nuk e ka më), Kupën e Spanjës (nuk e ka më), Formula 1 (nuk e ka më), Kupën e Gjermanisë (nuk e ka më), Kategorinë Superiore dhe Kategorinë e Parë të futbollit (as këto nuk i ka më), Roland Garros e Uimbledon (nuk i ka më), Moto GP (nuk e ka më), apo edhe Evropianin 2020 (nuk e ka fare “Euro 2024”)…?! (Lexo këtu)

Secili mund ta hamendësojë vetë përgjigjen. Por nëse bën një aritmetikë të thjeshtë, për këto para të harxhuara vite të shkuara për eventet sportive dhe gjendjes aktuale të transmetimeve kupton fare mirë faturat e fryra të festivaleve të të rriturve apo junior. Po, ja p.sh. Meqenëse pas pak ditësh fillon Kampionati Evropian i Futbollit dhe Shqipëria merr pjesë për herë të dytë: A do t’i transmetojë RTSH-ja ndeshjet e Kombëtares? Jooo…!

Sipas njoftimeve nga “TV Klan” janë  këta të fundit që e kanë fituar të drejtën.

Po nga RTSH çfarë thuhet? Flitet që do të ketë një “megaprojekt” që në shifra preventive afrohet me një kampionat më vete… Do të ketë një emision të përnatshëm “sportivo-kulturoro-argëtues-politiko-muzikor” me një kosto “serioze”. Emisioni do të drejtohet nga i përnatshmi i politikës, Alban Dudushi, të cilin do ta ndihmojë producenti Bojken Lako, por do të ketë edhe të tjerë që nuk marrin vesh nga sporti, por pak rëndësi ka kjo…

RTSH-ja s’ka lekë për Evropianin, por harxhon miliona për
Alban Dudushi

Abuzimi me paratë e taksapaguesve është aq arrogant sa edhe i dukshëm. A nuk ka në RTSH një departament sporti prej 20-25 punonjësish që paguhen për këtë punë? Për çfarë duhen këto “projekte” aq më shumë kur Evropianin e ka një tjetër televizion kombëtar që do të bëjë si ndeshjet, si emisionet (që nuk i drejton Fevziu)? Përgjigjja kuptohet, përse duhet ky projekt gjigant në shifra?! 

Ky do të jetë një projekt me shpërndarje parash dhe ata që marrin vesh nga sporti nuk e meritojnë të jenë pjesë e tij, por do të përdoren me urdhra të rinj arrogance për të ndihmuar “korifenjtë” e projekteve. Një departament i tërë, siç është ai i sportit në RTSH, do të vijojë të jetë në rolin e shërbëtorit.

RTSH-ja s’ka lekë për Evropianin, por harxhon miliona për
Drejtori i RTSH-së, Alfred Peza

Një departament, që drejtorin ia dhunojnë hapur fizikisht në oborrin e RTSH-së, i fshijnë me kamxhik të drejtat sportive që do t’i shërbenin publikut, e vrasin edhe moralisht e profesionalisht, duke i zëvendësuar me gaztorë të oborrit në punën që duhet të ishte tyrja, edhe si detyrim, edhe si përfitim.

Po kë dëmton e gjithë kjo?! Publikun, sigurisht, sepse ai TV, i mbajtur me taksat e tij, në vend që t’i shërbejë, po kthehet në shembullin më të keq, se si po funksionojnë gjërat në këtë vend. Gjithsesi, me gjithë rrëmujën e krijuar, “reparti ushtarak AP”, ju uron shikim të këndshëm…/ CNA





Lajmet e fundit nga