web counter
LEXO PA REKLAMA!

SHKARKO APP

App Store
Google Play

SPAK-u dërgon pas hekurave drejtorët e Veliajt/ Rama: Lajm i mirë, hoqën parazitët

20 Maj 2024, 12:15, Aktualitet CNA

Kryeministri Edi Rama ka folur për hetimet e SPAK-ut dhe arrestimet e drejtorëve të Erion Veliajt.

Në një intervistë për mediat kosovare, Rama është shprehur se sot drejtësia ka mundësinë e një gryke zjarri ndaj pushtetit apo dhe opozitës.

Numri një i qeverisë thotë se nuk ka arsye pse ta prishë gjumin për drejtorët e kapur nga SPAK-u, pasi sipas tij është një lajm i mirë dhe një punë e mirë kur një parazit nuk është më në pozicionin të vazhdojë të ushqehet me trupin e shtetit shqiptar.

“Fakti, se është shumë interesant, unë nga ana ime, mendoj që të gjitha këto që ndodhin provojnë që ne po bëjmë si duhet detyrën që kemi marrë përsipër karshi njerëzve, për ta pavarësuar drejtësinë nga politika, e dyta t’i qëndrojmë zotimit që ne nuk e kontrollojmë drejtësinë dhe e treta, e kemi bërë pikërisht që të ndodhin këto gjëra.

Unë sot do të ndihesha në siklet, nëse do të vije ti dhe do të thoje, zotëri na premtove drejtësi, por shih çka po ndodh, janë vetëm kundërshtarët e tu nën akuzë.

Faki që sot kemi një drejtësi me të gjitha problemet e veta, fakti që i kemi dhënë drejtësisë mundësinë të ketë një grykë zjarri pavarësisht a je në pushtet apo në opozitë, kjo duhet t’i gëzojë njerëzit, për herë të parë nga 1912-ta ka një forcë në qeveri që po i krijon kushtet drejtësisë që të rritet.

Pse duhet të prish unë gjumin pse u kapën disa drejtorë? Për mua është gjithmonë lajm i mirë, tashi mos i marr se të gjithë prezumohen të pafajshëm, por është punë e mirë kur një parazit që ushqehet në trupin tonë të shtetit shqiptar, nuk është më në pozicionin të vazhdojë të ushqehet me trupin e shtetit shqiptar.

Kjo është sikur ke një të dashur larg qoftë në një proces kure shëndetësore dhe doktori thotë ia pastruam disa shenja që kishte, ti gëzohesh që ia hoqën.

Unë nuk dua të kujtohem, përveç për një gjë, luftova që në fillim që Shqipëria të ketë një moment kthese ku drejtësia të godas majtas, djathtas, pa pyetur as sa larg je, as afër je, as çfarë lidhje ke me atë e këtë, as a e ke bo, as s’e ke bo këtë”, ka thënë Rama./ CNA





Lajmet e fundit nga