web counter
LEXO PA REKLAMA!

SHKARKO APP

App Store
Google Play

E fundit!

x

Megaoperacioni i SPAK-ut, burg për 4 "kokat" e krimit/ Shtyhet seanca për Shullazin

20 Maj 2024, 12:15, Aktualitet CNA
Megaoperacioni i SPAK-ut, burg për 4 "kokat" e krimit/ Shtyhet
Emiljano Shullazi

Pesë anëtarë të bandave kriminale kanë dalë sot para Gjykatës së Posaçme Kundër Korrupsionit dhe Krimit të Organizuar për masat e arrestit. 

GJKKO konfirmoi masën "arrest në burg" për Besian Xhixhën, Enver Divën, Gjergj Cukalin dhe Albert Zajën.

Ndërsa për Emiljano Shullazin, vendimi u shty për në orën 14:00 pasi nuk u paraqit avokati.

Pavarësisht se gjykata caktoi avokat shteti Artan Simonin, ky i fundit ka deklaruar se nuk e mbron dot Shullazin pasi në një tjetër procedim ai mbron Luftar Reçin, i cili e akuzon Shullazin për vrasje.

Ndërkohë një ditë më parë u njohën me masën e sigurisë arrest në burg 9 anëtarë të tjerë. 

Në burg u lanë Naim Stafuka, Armando Ndreca, Robert Laçi, Viktor Imeraj, Satilno Basho, Deivis Bajramaj, Drianto Bardhi, Miri Bruli dhe Blerim Abazi.

Ata u zbuluan nga dekriptimi i bisedave në “SkyECC”, por avokatët kërkuan që arrestimi të mos konsiderohet i ligjshëm me pretendimin se nuk faktohet se i kujt është numri që shërben për përdorimin e këtij aplikacioni.

Por bisedat në “SkyECC” zbardhën bashkëpunimet e grupeve kriminale, të cilat kishin planifikuar disa atentate.

Kujtojmë se operacioni i drejtuar nga SPAK-u dhe i dakordësuar me Europol më datë 17 maj 2024, zgjati për rreth 20 orë, ku u angazhuan afërsisht 30 hetues të BKH-së, forcat RENEA, Policia e Shtetit, si dhe Europol, i cili caktoi një oficer pranë SPAK-ut për të mbështetur këtë operacion.

U kryen veprime hetimore në qytetet e Tiranës, Durrësit, Vlorës, Shkodrës, Lezhës, Rrëshenit, Kurbinit, Fushë-Krujës dhe Krujës. Gjatë këtyre veprimeve hetimore u ushtruan kontrolle në rreth 50 ambiente banimi.

Gjatë ekzekutimit të vendimeve të gjykatës janë gjetur dhe sekuestruar në cilësinë e provës materiale pasuri me vlerë të përafërt mbi 4.5 milionë euro./CNA





Lajmet e fundit nga