E fundit!

15:57 Aktualitet

VIDEO-Vrasja në Maliq, Lamallari “zbarkon” në Policinë e Korçës

Ministri i Brendshëm, Besfort Lamallari, ka zbarkuar në Dr...

Drejtësia e re/ Mesazhi i të ngarkuarit me punë i ambasadës së SHBA-së

20 Maj 2024, 12:45, Aktualitet CNA

I ngarkuari me punë i ambasadës së SHBA-së në Tiranë, David Wisner, ka dhënë një tjetër mesazh sot për drejtësinë.

Në aktivitetin me temë “Strategjia e çështjeve të prapambetura në gjykata”, Wisner inkurajoi përfaqësuesit e drejtësisë së re që të ndërmarrin hapa të rëndësishëm.

Diplomati i lartë amerikan tha ndër të tjera se stoku i dosjeve në drejtësi është vonesë e drejtësisë për qytetarët, e tashmë ka ardhur momenti që të merren vendime për të adresuar këtë problematikë.

Wisner tha se SHBA-ja do t’ju ndihmojnë për të krijuar reforma të suksesshme për t’i harmonizuar me Kushtetutën.

“Kur flasim për çështje gjyqësore të prapambetura tingëllon si një problem teknik. Ne të gjithë kemi parë imazhin e dosjeve të çështjeve të grumbulluara pirg në sallat e gjyqeve, por numri i çështjeve gjyqësore të prapambetura është vonesë e drejtësisë për qytetarët e zakonshëm. Sekretari i Shtetit tha se reforma në drejtësi nuk është e lehtë, por nëse do të jetë e suksesshme ju do t'i mundësoni sistemit të drejtësisë që të japë drejtësi të vërtetë. Zgjedhjet tuaja e vendosin sistemin e drejtësisë në themele të forta dhe do të gjenerojë një të ardhme në drejtësinë që plotëson nevojat e gjithë shqiptarëve.

Është për t’u theksuar që disa prej hapave që keni ndërmarrë për të përmirësuar situatën kanë qenë të dhimbshme, sepse Vetting-u shkaktoi ndërprerje të punës, por ishte i domosdoshëm. Tani është koha për hapa të ndërlikuar që janë po aq të rëndësishëm. Ju nxis të rrokni hapat e vështirë që trajtojnë sfidat e tjera. SHBA do t’ju ndihmojnë për të krijuar reforma të suksesshme për t’i harmonizuar me Kushtetutën. Ne vazhdojmë të nxisim më shumë bashkëpunim ndërmjet gjithë grupeve të interesit që është kritik. Vazhdoni të punoni për të gjetur zgjidhje, jam besimplotë që do punoni për një të ardhme më të mirë”, u shpreh ndër të tjera Wisner./CNA