web counter
LEXO PA REKLAMA!

SHKARKO APP

App Store
Google Play

E fundit!

x

Thellohen hetimet për "5D"-në/ Në "dorë" të SPAK-ut, dokumente nga biznese dhe institucione

20 Maj 2024, 13:45, Aktualitet CNA

Burime për CNA bëjnë me dije se ditën e sotme oficerët e Byrosë Kombëtare të Hetimit, me urdhër të SPAK-ut, kanë shkuar në disa institucione dhe biznese private për të marrë dokumentacione të nevojshme për hetimet që vijojnë për dosjen "5D".

Kjo lëvizje e SPAK-ut vjen në sajë të hetimeve për drejtorët e Bashkisë së Tiranë dhe hetimeve pasurore ndaj tyre për aferën korruptive të "5D", ku pati abuzime me tenderët. 

SPAK-u po mbledh dokumentacionet zyrtare nëpër kompani private dhe individë, të cilët kanë pasur lidhje me drejtorët e dosjes “5D”.

CNA mëson se oficerët kanë mundur të mbledhin dokumente, ku tregohet bashkëpunimi i drejtorëve të Erion Veliajt me disa subjekte private, apo edhe institucione. 

Pra, janë kryer veprime në institucione e biznese duke verifikuar dokumente në lidhje me dosjen "5D", pra duke mbledhur materiale për hetimin pasuror të drejtorëve. 

Kështu konfirmohet edhe lajmi i CNA-së i publikuar pak javë më parë, që SPAK-u ka nisur hetim pasuror ndaj drejtorëve të Veliajt.(lexo këtu)

CNA raportoi më 10 maj se ky hetim po thellohet me informacione që po mblidhen zyrtarisht, ku tregohet lidhja e drejtorëve të Veliajt. 

SPAK-u po ecën me ritme të shpejta për dosjen "5D".

Ky është një hetim i prokurorit Klodian Braho, i cili zbuloi një grup hajdutësh në Bashkinë e Tiranës, që duket se është më i gjerë edhe sesa personat tashmë të arrestuar apo personat nën hetim./CNA 





Lajmet e fundit nga