web counter
LEXO PA REKLAMA!

SHKARKO APP

App Store
Google Play

E fundit!

x

Zbardhen përgjimet/ Shullazi jep 1 milion euro për "kokën" e Durim Bamit

20 Maj 2024, 14:06, Aktualitet CNA
Zbardhen përgjimet/ Shullazi jep 1 milion euro për
Emiljano Shullazi

Detaje të reja janë zbardhur nga dosja hetimore e SPAK-ut për goditjen e "kokave" të krimit.

SPAK ka mundur të sigurojë përgjime midis anëtarëve të bandave kriminale për eliminimin e Durim Bamit. 

Në bashkëpunimin midis Ndokës, Avdulajve dhe Shullazit flitet edhe për një shumë prej 1 milion eurosh për t'u dhënë vrasësve për eliminimin e Durim Bamit. 

Përgjimet:

Më 19 maj 2020, ish-deputeti i PS-së, Arben Ndoka komunikon me shtetasin Blerim Abazi dhe ky i fundit i jep informacion për lokalizimin e Durim Bamit dhe lidhjet e tij duke i shkruar.

Blerim Abazi: Sot kam git nipin me pa se ku rrin, ose tek Elda ose te Kastrati janë pikat kyqe. Aty ndihet i sigurtë. Neve na duhet një aty afër shtëpisë së tij....Bedriu i vogel i qet në prit por lek. Por nuk e di kë mi fut. Po ta shofim a del, mos të rrim kot. Po pra, se ai rrin shumë mbyll. Kshu më pëlqen mos i zëm të dy në një makin. Aty i djegim ne, kemi kohë sa duash, na shef zoti.

Më datë 20.05.2020, Arben Ndoka komunikon me shtetasin Blerim Abazi dhe ky i fundit i jep informacion për lokalizimin e Durim Bamit, gjithashtu i tregon vende ku mund të realizohet pritë dhe vendin ku mund të fshehin automjetin që do të përdoret me qëllim realizimin e vrasjes.

Blerim Abazi: Ne Urë të Gjoles kemi një shtëpi për ma e ruajt përballë Eldes kur vjen 3 minuta larg, është në anësore. Po aty me vepru shpejt. Makinë kur të don me armë, te garzhi im. Po krym pun me atë gru qim Du (Durim bami) të tjerët vdesin vetë. Na thuj kur ke kohë, të vijm ne 4 vëllezërit aty, pim dicka. Po nga kodra sipër e kap thu në oborr me snaiper. Kemi edhe një rrugë të mirë që të nxjerr te Ura e Gjoles në Thumanë.

Më datë 21.05.2020, Arben Ndoka komunikon me shtetasin Arian Tuku i cili i ankohet për shtetasin Samuel Ndoka (nipi i Arben Ndoka) sepse po flet shumë dhe ju ka treguar personave të ndryshëm që është duke marrë informacion nga shtetasi Emiljano Shullazi në lidhje me lokalizimin e shtetasit Durim Bami.

Arian Tuku: Nipi, palla si mban gja goja i ka thënë "kapeles" (i referohet Astrit Avdyli) qe është duke na dhënë info Mili. Kapelja i ka then Milit qe jan flak djemt e Sandrit dhe nipi i ka tregu dhe Gjinit. ... tani mendimi im është ky, nipit i ka rrëshqit goja me Gjinin, ky ka shku tu fol te baba te Visi, dhe Visi do i ket shkruj Milit.

Më datë 24.05.2020, Emiljano Shullazi komunikon me shtetasin Satilno Basho dhe diskutojnë në lidhje me persona të dyshuar që kanë marrë pjesë në vrasjen e shtetasit Edison Harizaj...duhet kapur ai "Cipuri" (Armando Sulejmani) që të tregojë se kush ka gjuajtur, duhet me marr vesh se kush gjuan.

Në vazhdimësi e pyet për Durim Bami dhe i shpjegon që për vrasjen e tij mund të marrim 1000 000 euro. ...me atë Durim Bami, është ai nga Fush Kruja, di ndonjë që ka muhabet andej nga Vlora? Se për atë mbushin 1 milion euro. Ktë muhabet e bëj me ty dhe nuk dua që ta marri vesh njeri ca flasim bashkë. Dur Bami të pret në besë duke ngrënë bukë, ai ka njëqind hasmër, do bëj festë policia. As nuk do e kërkoj njeri atë muhabet. Po hic arrestin një herë, se kam rob unë atje që të afrojë.
Biseda vazhdon përsëri në lidhje me marrjen e informacioneve në lidhje me personat që kanë vrarë shtetasin Edison Harizaj, ...duhet me gjetë atë që ka gjuajtur vëlla se zbën. Pra ti thua "Cipuri" (Armando Sulejmani) me vëllain e "Buzderrit" kanë gjuajtur.

Më datë 24.05.2020, shtetasi Arben Ndoka komunikon me shtetasin Blerim Abazi dhe ky i fundit i jep informacion për lokalizimin e Durim Bami dhe lidhjet e tij. Blerim Abazi ka siguruar informacion që shtetasi Durim Bami dhe lidhjet e tij kanë planifikuar një darkë tek një lokal në afërsi të Urës së Gjoles dhe informon Arbenin në lidhje me këtë fakt. Gjithashtu e shtyn këtë të fundit që të marrë masa që në këtë datë të organizohet me qëllim vrasjen e Durimit dhe lidhjeve të tij në këtë ambjent që ai po darkon.. Blerim Abazi i ka dërguar mesazhe zanore, ...shok me duket se ka cu dikë me kontrollu zonën me pronotu./CNA 





Lajmet e fundit nga