web counter
LEXO PA REKLAMA!

SHKARKO APP

App Store
Google Play

E fundit!

x

Plani për ekzekutim me snajper/ Bisedat mes Shullazit dhe ish-deputetit, futja në lojë e një vajze

20 Maj 2024, 14:54, Aktualitet CNA

Plani për ekzekutim me snajper/ Bisedat mes Shullazit dhe ish-deputetit,

SPAK-u gjatë hetimeve të kryera për "kokat" e krimit në vend, ku u lëshuan 50 urdhër-arreste, ka siguruar përgjime edhe mes ish-deputetit të PS-së, Arben Ndoka, Ervis Martinajt dhe Emiljano Shullazit. 

Në përgjime është një bisedë mes Arben Ndokës dhe Emiljano Shullazit për planin e eliminimit të Durim Bamit me snajper. 

Ndërkohë Arben Ndoka komunikon me Elvis Ndrecën dhe diskutojnë në lidhje me një femër, të cilën dyshohet se ky i fundit e ka angazhuar që të afrohet me Durim Bamin me qëllim lokalizimin e tij. 

Përgjimet: 

Më datë 26.07.2020, shtetasi Arben Ndoka komunikon me shtetasin Emiljano Shullazi dhe ky i fundit e informon në lidhje me shtetasin Durim Bami i cili dyshohet se del rrallë sepse e ka frikë shtetasin Arben Ndoka.

Emiljano Shullazi e informon në lidhje me një lokal që Durim Bami ka ndërtuar në fshatin Verjan dhe se aty mund të ketë opsione për ta qëlluar nga larg me snajper.

Emiljano Shullazi i shkruan: Me thonë që dhe në fshat del rrallë. Valter (Valter Bami) ka fillu rri me maglen. Ti je vet i kujdesshëm. Fillo shtrëngo prap durat. Masi i nodhi ajo Marglen ishin ftof, por ka nji muj jan afru. Po me Durin, gjasme jo. Po njësoj është gjersa rrin me Valt. Jo me sa di. Po dhe frik të kan, kshuqë shfrytëzoje ktë situat. Po aty katun, ka bo lokalin aty lart në fshat Duri. Po, se di ku e ka po mkan then. Po besoj do jet mirë për me gjujt nga larg.

Më datë 29.07.2020, shtetasi Arben Ndoka komunikon me shtetasin Elvis Ndreca dhe diskutojnë në lidhje me një femër të cilën dyshohet se Elvis Ndreca e ka angazhuar që të afrohet me shtetasin Durim Bami ose lidhjet e tij me qëllim lokalizimin e tyre.

Arben Ndoka i shkruan: A iku ajo goca?

Elvis Ndreca i shkruan: ...Po, kto 3 ditë futet, ne aksion ajo, me na tregu çdo levizje tyne, tha rrin D (Durim Bami) te lokali, rrin të gjithë grumbull. Ka ba një lokal te ri tha D. Është i atij e ka pa Samo te lokali.

Më datë 31.07.2020, shtetasi Arben Ndoka komunikon me shtetasin Blerim Abazi i cili informon që Durim dhe Valter Bami në këto momente janë në xhiro në Fushë-Krujë me një automjet tip Golf ngjyrë gri me targa 101.

Blerim Abazi i shkruan: Mgjesi, ne qytet janë tani me golf 7 në xhiro. Sa kan ardh në rrugë të Krujës. O shoku, Fushkrujë janë tani. A je cu? Në xhiro janë me golf 7 ngjyrë hini, Val me Bedriun. 101 golf 7, asht Duri në ta, asht Duri në timon, janë 4 vet në ta. I ke në xhiro. Tani mos ikin se kan ka 1 orë në FK. Është Duri në timon.

Mbas marrjes së këtij informacioni, shtetasi Arben Ndoka komunikon me shtetasin Ervis Martinaj të cilin e informon, ...Valteri sot me xhiro, me golf 7, xhama të zi. Mgjes, ta mbajnë nën kontroll se shkojmë e e bëjmë (vrasim) dhe vet. Nëpër zonë, 2 orë sot, ishin të dy vllezërit.

Më datë 02.08.2020, shtetasi Arben Ndoka komunikon me shtetasin Ervis Martinaj dhe ky i fundit e informon në lidhje me shtetasin Emiljano Shullazi që e kanë futur në regjimin e posaçëm BIS dhe nuk na mbaron dot punë. Ervis Martinaj i shkruan: Milin e qitën jasht loje, sna maron pun dot ma. Kush ja beni sipas teje? E cun te bizi, si ke pa lajmet, 1 vit.

Më datë 10.08.2020, shtetasi Arben Ndoka komunikon me shtetasin Astrit Avdyli dhe ky i fundit e instrukton që të marrë peng atë që ka qëlluar tek ngjarja e Rrumit (Aleksandër Laho) i cili dyshohet të jetë shtetasi Valter Bami. Gjithashtu i tregon që nipin e tij Aldo Avdyli dhe shokun e tij Arben Mërkuri i ka gati për çdo gjë për t'i angazhuar në vrasjen e shtetasit Durim Bami. Në vazhdimësi e instrukton për mënyrën e organizimit, evitimin e kamerave dhe përdorimin e maskave plastike./CNA 





Lajmet e fundit nga