web counter
LEXO PA REKLAMA!

SHKARKO APP

Kisha Orthodhokse “shuplakë” Bashkisë së Tiranës/ Martesa e dy grave sjell konflikt

20 Maj 2024, 18:39, Aktualitet CNA
Kisha Orthodhokse “shuplakë” Bashkisë së
Kisha Orthodhokse Autoqefale e Shqipërisë

Kisha Orthodhokse Autoqefale e Shqipërisë ka reaguar në lidhje me martesën e dy grave në Bashkinë e Tiranës, ditën e djeshme.

Kisha Orthodhokse Autoqefale e Shqipërisë thotë se një gjë e tillë nuk është e lejueshme nga feja.

Në deklaratë theksohet se një ligj që lejon martesat brenda së njëjtës gjini fyen krijimin dhe sjell një konflikt me rendin natyror.

“Është më se e njohur se përjetësimi i njerëzimit ka qenë i bazuar në ekzistencën e dy gjinive dhe bashkimin e tyre. Asnjë kulturë, fe apo sistem ligjesh (Soloni, Platoni etj.) nuk e ka institucionalizuar bashkëjetesën homoseksuale si martesë. E panatyrshmja nuk bëhet e natyrshme me dekrete ligjore. Përkundrazi, një ligj i tillë fyen krijimin. Nuk është përparim shoqëror, por një konflikt me rendin natyror, e tatëpjetë. Kisha është e detyruar të artikulojë qartë konceptin dhe vlerën e martesës, rëndësinë e familjes dhe të lindjes së fëmijëve në përputhje me tekstet e saj të shenjta dhe traditën e saj shekullore (siç u deklarua në Sinodin e Shenjtë dhe të Madh të Kishës Orthodhokse në Kretë në vitin 2016)”, thekson Kisha Orthodhokse Autoqefale e Shqipërisë./ CNA





Lajmet e fundit nga