Tri grupe në terren për të ekzekutuar Durim Bamin/ Plani i Ervis Martinajt me ish-deputetin e PS-së

20 Maj 2024, 16:44, Aktualitet CNA

Tri grupe në terren për të ekzekutuar Durim Bamin/ Plani i Ervis

Arben Ndoka dhe Ervis Martinaj

SPAK në dosjen hetimore ka siguruar përgjimet e grupeve krimeve në vend, një pjesë e saj është fokusuar edhe tek plani i vrasjes së Durim Bamit.

Në dosjen hetimore ka komunikime të vazhdueshme mes Ervis Martinajt dhe ish-deputetit të PS-së Arben Ndoka për planin e vrasjes së Durim Bamit.

Pas informacioneve të marra për Durim Bamin, Martinaj dhe Ndoka kishin vendosur 3 grupe në terren, 2 grupe vëzhgimi në Sarandë dhe një në zonën e Durrësit.

Përgjimet:

Më datë 18.08.2020, shtetasi Arben Ndoka komunikon me shtetasin Ervis Martinaj ku diskutojnë në lidhje me automjetin që ju kishte siguruar Ervis Martinaj. Arben Ndoka ia konfirmon që e kanë marrë por kanë probleme se personat që kanë shkuar në Sarandë nuk e njohin mirë si fytyrë shtetasin Durim Bami. Ervis Martinaj i dërgon disa fotografi të shtetasve Durim Bami dhe Gentian Koçi.

Arben Ndoka e informon shtetasin Ervis Martinaj që një grup e ka pozicionuar në rrugë në zonën e Durrësit ndërsa dy grupe janë në Sarandë në vëzhgim.

Ervis Martianj i shkruan duke e pyetur nëse e more makinën dhe Arben Ndoka i përgjigjet që e mora dhe janë në aksion por kemi problem se informatorët që kanë shku atje nuk e njohin mirë dhe më duket se është nis për klej. Një grup është në rrugë dhe dy grupe janë atje po ato që janë atje nuk e njohin mirë.

Ervis Martinaj i shprehet që me mjekër është ai m*t, a nuk ju jep info Genti. Ervis Martinaj i dërgon foton e Gent Koçit dhe i thotë që ky rrin me to dhe kanë hap një lokal në Verion. Arben Ndoka e pyet nëse ke një person të lirë që të shkojë e të vendoset në Rrogozhinë të shikoj për benzin e bardhë që është nisë ai me të se e kam cu dikë dhe spo më përgjigjet në telefon. I kam cu gjithë njerzit andej ndërsa kta po presin në Shkozet.

Por më duhet lajmi që benzi po vjen. Ai është nis me ardh por personi që kam cu me pa rrugës nuk po më përgjigjet. Benz i bardhë me targa Gjermane me atë ka hip.

Ervis Martinaj i shprehet se mos na ndrron makinë rrugës kam hall. Arben Ndoka shkruan që kam dy makina në Ksamil dhe njërën po e tërheq ndërsa tjetra do rrij atje. Ska ardh akoma, besoj që ka kalu me një golf dhe me një renxh. Se ato që kam atje nuk e njohin, vetëm me fotografi.

Në orën 22.53 Ervis Martinaj e pyet se cfarë u bë dhe Arben Ndoka i përgjigjet që do ket ikur dhe ato po kthehen. Ervis Martinaj shkruan që atje rrinë tek lokali që ka bërë Duri në Verjon, aty ti bluajmë, se e marr vesh kur janë aty nga Gent Koci. Ervis Martinaj shkruan, shumë afër e mban atë Gent Kocin ai ku*va, por këtë e kemi në xhep se i kam fut një shoqen time./CNA