web counter
LEXO PA REKLAMA!

SHKARKO APP

App Store
Google Play

E fundit!

x

Nën hetim nga SPAK-u/ Dhjetëra miliona euro xhiro dhe fitime nga kompania e vëllait të Veliajt

25 Maj 2024, 11:00, Aktualitet CNA
 

Nën hetim nga SPAK-u/ Dhjetëra miliona euro xhiro dhe fitime nga

Arbër Veliaj është një nga njerëzit që po i hetohet pasuria pas një hetimi që ka filluar SPAK-u për vëllain e tij, Erion Veliaj.(lexo këtu)

Ky i fundit është kryebashkiaku i Tiranës nga viti 2015, një politikan, i cili e ka filluar aktivitetin e tij me organizatën “Mjaft” në luftë kundër socialistëve, që më pas u kthye në një 99-ç për të hyrë në koalicion me socialistët.(lexo këtu)

Nga armiku i tyre (socialistëve), njeriu që i kishte rrëzuar dhe kishte dhënë kontribut për largimin e tyre nga pushteti, ai u kthye në përfitues dhe erdhi në pushtet me socialistët duke u bërë ministër e kryebashkiak.

Nën hetim nga SPAK-u/ Dhjetëra miliona euro xhiro dhe fitime nga
Erion Veliaj

Nga Erioni tek Arbri

Nuk ka qenë vetëm Erion Veliaj përfitues pushteti politik, personi që bëri një dasmë luksoze që ka zgjatur një javë, që u martua sa në kalanë e Gjirokastrës, në hotelet luksoze të Tiranës. Kuptohet, ai ka thënë se ka shitur fiq dhe me shitjen e fiqve, si dhe me kursimet e nënës, ka bërë dasmën.

Nuk është vetëm Erioni apo bashkëshortja e tij, Ajola Xoxa, e cila, edhe pse juriste, është në fakt një njeri që ushtron aktivitetin e kuratores së artit në një godinë pa qira, etj.

Por sot do të shikojmë një detaj tjetër si u bë Arbër Veliaj, vëllai i Erion Veliajt, një nga njerëzit që dominon tregun e reklamave në Shqipëri.

Nën hetim nga SPAK-u/ Dhjetëra miliona euro xhiro dhe fitime nga
Arbër Veliaj dhe Ajola Xoxa

Gjithkush është privat, ka të drejtë që të zhvillojë aktivitetin pa asnjë diskutim, por privati është i lidhur me një politikan, i cili është përfshirë në skandale me drejtorët si dosja “5D” apo tek afera e inceneratorëve, ku shihet si përgjegjës kryesor. Për më tepër shërben si strukturë për të shpërndarë reklamat e privatëve në mediat e pushtetit dhe që u shërbejnë propagandave të vëllait të tij kryebashkiak.(lexo këtu)

Këtu fillon edhe “blerja” e medias në një formë ndryshe nga ajo e “flirtit” me pushtetin për interesa të tjera. Zhvillimi i kompanisë në tregun e reklamave ka një detaj tjetër, është çezma, rubineti i “ushqimit” për mediat dhe Erion Veliaj, përveç faktit që firmos leje ndërtimi për kulla, shpërndan tenderë, shpërndan dhe reklama sepse hap dhe mbyll rubinetin, pra një cikël i mbyllur.(lexo këtu)

Arbër Veliaj sot ka portofolin e mbi 50% të tregut të reklamave në Shqipëri, është partner i një kompanie të madhe franceze, “Publis”, ku sipas burimeve të CNA-së, kompania e madhe franceze nëpërmjet degës së saj në Serbi ka bërë partnere kompaninë e vëllait të Erion Veliajt, kryebashkiakut të Tiranës.

Nën hetim nga SPAK-u/ Dhjetëra miliona euro xhiro dhe fitime nga
Arbër Veliaj dhe Erion Veliaj

Si u zhvillua kompania e vëllait sapo Veliaj u bë kryebashkiak?

Mjafton të shikojmë “Open Corporates”, një faqe serioze e mbështetur dhe e financuar nga donatorë të huaj që ka të dhëna për kompanitë private.

Kompania “Gogel”, e cila është themeluar në vitin 2009, blihet nga Arbër Veliaj në vitin 2011 dhe nga viti 2011 deri në vitin 2015, në momentin që Erion Veliaj bëhet kryebashkiaku i Tiranës, fitimet e kësaj kompanie dhe xhiroja janë shumë të vogla.

Nën hetim nga SPAK-u/ Dhjetëra miliona euro xhiro dhe fitime nga
Të dhënat në QKB

Sipas të dhënave të “Opens Corporates”, fitimi para tatimit në vitin 2009 ka qenë mbi 10 milionë lekë të vjetër (1 milion lekë të rinj), në vitin 2011 ka qenë po 10 milionë lekë dhe në vitin 2015 fitimi 6-fishohet. Në vitin 2016 është diku te 40 milionë lekë dhe pastaj shkon në 100 milionë lekë, shkon në 410 milionë lekë, shkon në rreth 440 milionë, shkon në mbi 520 milionë, shkon në 300 milionë dhe në 2022-shin që është e dhëna e fundit është diku te 250 milionë (ka dhe detaje te fakti, xhiro e lartë e fitimi i ulët).

Nën hetim nga SPAK-u/ Dhjetëra miliona euro xhiro dhe fitime nga
Fitimi para tatimit nga 2009 deri në 2022

Duke mbledhur të dhënat rezulton se Arbër Veliaj, para tatimit nga viti 2015, kur vëllai i tij Erion Veliajt është bërë kryetar bashkie deri në vitin 2022 ka të deklaruara 2.1 miliardë lekë, vetëm fitim.

Le të shohim sipas tabelës së dytë nga të dhënat e “Open Corporates” xhiron vjetore të kompanisë “Gogel”, e cila ka 100% aksioner kompaninë “Gogel Holding”, e cila ka pronar Arbër Veliajn.

Pra, sipas të dhënave rezulton se kompania nga viti 2015, që Bashkinë e Tiranës e merr Erion Veliaj, fillon të shtojë xhiron deri në 10-fishim apo 15 herë më shumë. Në qoftë se në vitin 2014 qarkullonte vetëm 240 milionë lekë të vjetër, në vitin 2018 kompania arrin të qarkullojë gati 3.3 miliardë lekë. Të njëjtin qarkullim ka edhe në vitin 2020, por shkon rreth 3.4 miliardë lekë.

Nën hetim nga SPAK-u/ Dhjetëra miliona euro xhiro dhe fitime nga
Xhiroja vjetore nga 2009-2022

Xhiroja e kësaj kompanie shkon në disa dhjetëra miliona euro në total nga viti 2015 e në vazhdim, por ajo që bie në sy duke krahasuar xhiron e kompanisë me fitimin ka të bëjë me faktin se në vitet kur kompania kishte më pak xhiro, në vitin 2015, fitimi ishte edhe më i madh, por fitimi i saj, edhe pse xhiroja është rritur dhe të ardhurat janë të larta, ulet në rreth 7% në vitin 2022, por duhet të kemi parasysh që janë 7, 10 apo 15% fitim në 4-5 vitet e fundit, të cilat janë fitim mbi një xhiro 3.2 - 3.4 miliardë lekë.

Nën hetim nga SPAK-u/ Dhjetëra miliona euro xhiro dhe fitime nga

Kështu, një kompani me 50 milionë, pasi vëllai bëhet kryebashkiak, ka performancë të re dhe bën xhiro 3.4 miliardë lekë, një kompani që ka fitim vetëm 10 milionë lekë shkon dhe regjistron fitim edhe 520 milionë lekë dhe kjo është kompania “Gogel” e Arbër Veliajt.

CNA po mbledh fakte dhe prova të padiskutueshme se si shpërndahen paratë e kompanive të mëdha dhe korporatave në Shqipëri, të cilat menaxhohen nga Arbër Veliaj duke çuar para dhe fonde kryesisht te mediat e pushtetit, te mediat e paguara nga afera e inceneratorëve, te propaganda e pushtetit.

Blerja e medias

Jo vetëm para publike përdoren me “5D” dhe korrupsion, por edhe paratë e privatëve merren dhe devijohen te vëllai i kryetarit të bashkisë për të paguar mediat për propagandë. Arbër Veliaj ka, jo disa, por pothuajse shumicën e kompanive kryesore dhe sipas të dhënave që ka CNA ai kontrollon më shumë sesa 50% të tregut të reklamave në Shqipëri. (lexo këtu)

Nën hetim nga SPAK-u/ Dhjetëra miliona euro xhiro dhe fitime nga
Arbër Veliaj

CNA do të sjellë të tjera materiale me emrat e kompanive të përfshira në këtë skemë të qartë. Jemi përballë faktit se jo vetëm fondet publike dhe korrupsioni përdoren për propagandën e kryebashkiakut Veliaj, por edhe paratë e bizneseve private, disa prej tyre përfitues koncesionesh dhe licencash, kompani të mëdha, por këto do t’u përkasin të tjera shkrimeve të publikuara nga CNA./CNA 





Lajmet e fundit nga