web counter
LEXO PA REKLAMA!

SHKARKO APP

App Store
Google Play

E fundit!

x

Zgjedhjet në Parlamentin Europian/ Alemanno: Ka shumë pasiguri, do të përcaktohen prioritetet

25 Maj 2024, 19:49, Aktualitet CNA

Zgjedhjet në Parlamentin Europian/ Alemanno: Ka shumë pasiguri, do

Alberto Alemanno, një profesor në shkollën e biznesit në Paris, ka folur për zgjedhjet në Parlamentin Europian.

Në një intervistë në Public Square me Ditmir Bushatin Alemanno është shprehur se këto zgjedhje janë të dorës së dytë pasi jo domosdoshmërisht janë zgjedhjet më të rëndësishme për qytetarët.

Sipas profesor Alemannos, pjesëmarrja në këto zgjedhje është e kufizuar. Ai thekson se zgjedhjet e vitit 2024 do të jenë të rëndësishme sepse do të përcaktojnë prioritetet politike për Komisionin Europian, që de facto është ekzekutivi i BE-së.

Duket se këto prioritete po ndryshojnë duke u zhvendosur fokusi prej marrëveshjes së re të gjelbër në një agjendë që më shumë sesa e gjelbër do të jetë kafe: politikat industriale në fushën e mbrojtjes.

Ai u shpreh se ka shumë pasiguri në këto zgjedhje.

“Zgjedhjet europiane kanë qenë historikisht zgjedhje të dorës së dytë. Kjo do të thotë që nuk janë zgjedhjet më të rëndësishme në mendjet e qytetarëve, pasi nuk pasqyrojnë domosdoshmërisht preferencat e tyre politike.

Pjesëmarrja është shumë e kufizuar, përafërsisht 45-50% që prej vitit 1976, kur qytetarët europianë patën mundësinë që të votonin për herë të parë.

Zgjedhjet e vitit 2024 do të jenë veçanërisht të rëndësishme, sepse do të përcaktojnë priotetet politike për Komisionin Europian, që defacto është ekzekutivi i BE-së.

Duket se këto prioritete po ndryshojnë duke u zhvendosur fokusi prej marrëveshjes së re të gjelbër në një agjendë që më shumë sesa e gjelbër do të jetë kafe: politikat industriale në fushën e mbrojtjes.

Duke qenë se zgjedhjet europiane nuk janë gjë tjetër veçse 27 zgjedhje paralele, pasi çdo vend vendos vetë për mënyrën e zgjedhjes së përfaqësuesve në Strasburg, nuk do të jetë e lehtë që të analizohen rezultatet e këtyre zgjedhjeve.

Është e qartë që presim një zhvendosje të madhe të lavjerrësit nga qendra e krahut të majtë, që është qendra e tanishme e gravitetit në PE drejt qendrës së krahut të djathtë, më konservatore, ku PE dominohet nga disa parti politike, grupe politike, të tilla si konservatorët të udhëhequr nga Giorgia Meloni, kryeministrja e Italisë, zoti Morawiecki në Poloni, por edhe nga partitë e identitetit dhe Demokracisë, nga njerëz si Marine Le Pen ose AfD në Gjermani.

Për herë të parë ata kanë një pozicion përcaktues me peshë në atë parlament.

Thënë shkurt, mund të presim një PE më të fragmentizuar ku partitë tradicionale kryesore, partitë popullore socialistët dhe liberalët nuk do ta kenë domosdoshmërisht të mundur të kenë një shumicë parlamentare në mbështetje të KE të ardhshëm.

Pra ka shumë pasiguri në këto zgjedhje”, tha ai./ CNA

 





Lajmet e fundit nga