web counter
LEXO PA REKLAMA!

SHKARKO APP

App Store
Google Play

E fundit!

x

Si Veliaj shpërdoroi paratë, për Bashkinë e Kamzës/ “Bujaria” me taksat e banorëve të Tiranës

24 Maj 2024, 17:09, Denoncim CNA

Afera e inceneratorit të Tiranës thellohet dita-ditës, teksa dokumente e fakte të reja hedhin dritë gjithmonë e më shumë mbi vjeljen dhe shpërdorimin e taksave të qytetarëve të kryeqytetit. Rasti që ka denoncuar këtë të premte, drejtuesi politik i PD-së për Tiranën, Belind Këlliçi zgjeron aferën deri në Bashkinë e Kamzës.

Kryebashkiaku Erion Veliaj, sipas Këlliçit, ka hequr nga buxheti i Bashkisë Tiranë mbi 6 milionë euro, për të paguar mbetjet e Kamzës.

Si Veliaj shpërdoroi paratë, për Bashkinë e Kamzës/
Drejtuesi politik i PD-së për Tiranën, Belind Këlliçi

Dihet nga i madh dhe i vogël, se çdo bashki përgjigjet për qytetarët e saj, pasi këta të fundit paguajnë taksa dhe detyrime për Bashkinë në të cilën jetojnë dhe punojnë. Në denoncimin e Këlliçit theksohet se këto para Veliaj i ka keqmenaxhuar, duke i çuar në një bashki tjetër, që e ka për detyrim kryebashkiaku Rakip Suli ta drejtojë dhe të menaxhojë me buxhetet e saj. Thënë thjesht, Veliaj ka çuar taksat e qytetarëve të Tiranës te Bashkia e Kamzës.

Afera konkrete nis që në vitin 2018, kur Bashkia e Kamzës ka firmosur një kontratë koncensionare për pastrimin, grumbullimin, ndërtimin e një stacioni dhe impianti për trajtimin e mbetjeve dhe depozitimin në landfillin e Sharrës. Ky koncension u fitua nga kompania “Alko Impex”.

Si Veliaj shpërdoroi paratë, për Bashkinë e Kamzës/

Kjo kontratë koncensionare u pasua me shkelje të shumta. Një vit më pas, kjo kompani ka depozituar mbetjet e Bashkisë Kamëz në landfillin e Sharrës, duke i deklaruar këto si mbetje të zonës së Kombinatit në Tiranë. Mbetje të cilat faturoheshin dhe paguheshin nga Bashkia Tiranë.

Tashmë drejtuesi politik i PD-së për Tiranën, Këlliçi i ka paraqitur të tjera prova Prokurorisë së Posaçme, për pagesat që ka bërë Veliaj në kurriz të qytetarëve për një tjetër bashki.

“Siç tregohet edhe në këtë e-mail, në mars të vitit 2019, Bashkia Tiranë vihet në dijeni se mjetet e kompanisë Alko Impex ishin kapur duke depozituar mbetjet e Bashkisë Kamëz në landfillin e Sharrës, duke i deklaruar këto si mbetje të zonës së Kombinatit në Tiranë. Mbetje të cilat faturoheshin dhe paguheshin nga Bashkia Tiranë. Erion Veliaj sigurisht nuk ndërmori asnjë masë.

Si Veliaj shpërdoroi paratë, për Bashkinë e Kamzës/

Në 17 nëntor të vitit 2020 publikohet emisioni ‘Inside Story’ në një media kombëtare, ku faktohej me zë dhe me figurë se mbetjet e Kamzës depozitoheshin si mbetje të Tiranës dhe paguheshin nga Erion Veliaj.

1 javë më pas, Drejtori i Përgjithshëm i Punëve Publike në bashki Taulant Tusha, i dërgon një shkresë inceneratorit të Tiranës, për dijeni edhe kompanisë, ku i bënte me dije se nuk do të pranoheshin më depozitime për llogari të bashkisë, nëse kalohej sasia 165 ton mbetje në ditë.

Si Veliaj shpërdoroi paratë, për Bashkinë e Kamzës/

Këtu është edhe komunikimi më flagrant i punonjësve të inceneratorit Tiranë, komunikim i cili fakton përtej çdo dyshimi se shkresa e Taulant Tushës ishte nul dhe se vendimet për zbatimin e ligjit, i merrte pronari faktik i inceneratorit Erion Veliaj.

Në një e-mail të datës 2 dhjetor 2020, shtetasja Esjana Çadri, punonjëse e Stela Gugalles, i shkruan eprorëve të saj se si duhej të vepronte për rakordimin e sasive të mbetjeve bazuar në shkresën e Taulant Tushës.

Këtij e-maili i përgjigjet famozi Elton Bualli, i cili përfitoi 300.000 euro nga AZHBR për ndërtimin e një sere në zemër të landfillit të Sharrës, i cili thotë shprehimisht se: ‘Sipas bisedës me Klodin rakordimi i javës së katërt mos të mbyllet ende derisa të mbyllen disa takime në nivele më të larta, që brenda dy ditësh të na jepet më shumë informacion’.

Këtu lind pyetja e thjeshtë. Kush është nivel më i lartë se Taulant Tusha në Bashkinë Tiranë?

Sipas vetë strukturës të publikuar në faqen online të Bashkisë Tiranë, Taulant Tusha ka varësi direkte vetëm nga Kryetari i Bashkisë Erion Veliaj.

Si Veliaj shpërdoroi paratë, për Bashkinë e Kamzës/

Pra është fare e thjeshtë të kuptohet fakti se Klodian Zoto duhej të merrte urdhër nga pronari faktik i inceneratorit Erion Veliaj, për të vepruar për depozitimin e mbetjeve të Kamzës”, theksoi drejtuesi i PD-së për Tiranën.

Pra, “bujaria” e Veliajt ka shkuar deri tek bashkia fqinje, ndërsa ka harruar të kujdeset për qytetarët e bashkisë së tij.

Pyetja është e thjeshtë: Pse duhet një qytetar të paguajë për një tjetër bashki dhe aq më keq të mos marrë shërbim për atë që paguan, pasi është një fakt tashmë i mirënjohur: inceneratori i Tiranës nuk ekziston dhe qytetarët po paguajnë për një shërbim të pa ofruar./ CNA





Lajmet e fundit nga