web counter
LEXO PA REKLAMA!

SHKARKO APP

App Store
Google Play

“Medusa”/ Në pranga dy persona, kapen me kokainë

21 Maj 2024, 09:29, Denoncim CNA

“Medusa”/ Në pranga dy persona, kapen me kokainë

Policia ka arrestuar shtetasin, A.SH., 32 vjeç, dhe shtetasen B.K., 34 vjeçe, për prodhim dhe shitje të lëndëve narkotike.

32-vjeçari kishte thyer masën e sigurisë arrest shtëpie. Gjatë kontrollit fizik ndaj këtyre shtetasve, shërbimet e policisë gjetën rreth 500 gramë lëndë të dyshuar narkotike kokainë, e cila u sekuestrua në cilësinë e provës materiale, bashkë me 2 celularë.

“Sektori për Hetimin e Narkotikëve në DVP Tiranë, në kuadrin e një procedimi penal, në drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Tiranë, si dhe në zbatim të masave të përcaktuara në planin operacional "Tempulli 3", ka finalizuar operacionin e koduar "Medusa". 

Si rezultat i tij u arrestuan shtetasit:

- A. Sh., 32 vjeç, banues në Tiranë, për veprat penale "Prodhimi dhe shitja e narkotikëve", kryer në bashkëpunim, dhe "Largimi i të burgosurit nga vendi i qendrimit";

- B. K., 34 vjeçe, banuese në Tiranë, për veprën penale "Prodhimi dhe shitja e narkotikëve", kryer në bashkëpunim.

Gjatë kontrollit fizik ndaj këtyre shtetasve, shërbimet e Policisë iu gjetën rreth 500 gramë lëndë të dyshuar narkotike kokainë, e cila u sekuestrua në cilësinë e provës materiale, bashkë me 2 celularë.

Pas verifikimeve të kryera ka rezultuar se shtetasi A. Sh. kishte thyer masën e sigurisë "Arrest në shtëpi", të caktuar nga Gjykata”, njofton policia./ CNA





Lajmet e fundit nga