web counter
LEXO PA REKLAMA!

SHKARKO APP

App Store
Google Play

E fundit!

x

Hotelet në jug/ Drejtoresha e Veliajt në ortakëri me hajdutët e dosjes “5D”, hetohet për abuzime me tenderat

9 Maj 2024, 17:14, Denoncim CNA

Të mërkurën, SPAK ka dërguar për gjykim 3 zyrtarë të Erion Veliajt.

Konkretisht Ledia Ramon, Ortjon Dhamin dhe Engjëll Dedjan, punonjës pranë UKT-së, të cilët janë dërguar për gjykim për "shkelje e barazisë së pjesëmarrësve në tendera apo ankande publike". (Lexo këtu)

CNA mëson se Ledia Ramo, tashmë në "sitën" e SPAK mban detyrën si Drejtoreshë e Prokurimeve, pra në varësi të Erion Veliajt.

Hotelet në jug/ Drejtoresha e Veliajt në ortakëri me
SPAK

Drejtoresha e Veliajt ortakëri me të korruptuarit e dosjes "5D"

Drejtoresha e Veliajt, e cila është në sitën e SPAK, ka lidhje ortakërie me personat e përfshirë në aferën korruptive të dosjes "5D", ku janë arrestuar një sërë drejtorësh (bashkëpunëtorë) të Erion Veliaj.

CNA ka zbuluar lidhjen mes Ledia Ramos dhe pronësisë së hoteleve luksoze në jug. 

Sqarojmë këtu, Ledia Ramo është bashkëshorja e Thanas Rapos, një prej ortakëve të kompanisë "Rapo So", që ka lidhje me menaxhimin e hotelit luksoz në Potam, Rapo's resort. 

Hotelet në jug/ Drejtoresha e Veliajt në ortakëri me
Dokumenti ku del bashkaksioner Thanas Rapo me Sokol Tushën

Në këtë biznes Thanas Rapos është ortak me Sokol Tushen, vëllain e Taulant Tushes. Ky i fundit është në pranga për aferën "5D" dhe inceneratorët. Nga të dhënat në QKB na rezulton se Thanas Rapo ka 50% të aksioneve dhe Sokol Tusha, 40%, ndërsa 10% i ka Besarta Dika. Pra burri i drejtorësh së Veliaj bën biznes me njerëzit bashkëpunëtorët e Veliajt. 

Hotelet në jug/ Drejtoresha e Veliajt në ortakëri me
Dokumenti ku del bashkaksioner Thanas Rapo te hoteli

Kjo nuk është e vetmja lidhje biznesi. 

Thanas Rrapo del gjithashtu ortak me Sokol Tushen, te kompania “Jon Construction”.

Kjo kompani e ndërtuar në tetor të vitit 2020 është në pronësi të Sokol Tushës, vëllait të Taulant Tushës, me 66.7 % të aksioneve dhe me 33.3 % të aksioneve të kësaj kompanie zotëroheshin nga shtetasi Thanas Rapo.

Sokol Tusha dhe Thanas Rapo lidhen me shumë skema të tjera dhe biznese për të cilat dyshohet se kanë përfituar tenderë në institucione të ndryshme apo dhe kompani të ndryshme.

Kjo për shkak dhe të influencës dhe lidhjeve me vëllain e tij, Taulant Tushe. Ky i fundit ka qenë një njerëzit më të besuar të Erion Veliajt, drejtues i fushatave të tij politike. /CNA





Lajmet e fundit nga