web counter
LEXO PA REKLAMA!

SHKARKO APP

App Store
Google Play

Nga zgjedhjet te pagesat e mediave të inceneratorëve/ Çfarë bisedash ka në aplikacionin e drejtorëve të Veliajt

21 Maj 2024, 20:43, Denoncim CNA

Në muajin shkurt, CNA raportoi se zyrtarët e Bashkisë së Tiranës përdorin aplikacione të personalizuara, të koduara, të cilat ishin zbuluar nga SPAK-u.

Këto aplikacione u gjetën në telefonat nga BKH-ja në kuadër të hetimeve të SPAK-ut, gjatë kontrolleve të bëra në bashki dhe në banesat e drejtorëve.

Drejtuesi i PD-së për Tiranën, Belind Këlliçi, ka treguar mbrëmjen e sotme se çfarë bisedash janë gjendur në këtë aplikacion.

Ai deklaroi në një intervistë me Armela Ferkon se kryebashkiaku i Tiranës ka biseduar me stafin e tij të ngushtë për për pagesën e pronarëve të medieve të inceneratorëve dhe ka dhënë porosi për zgjedhjet e viteve 2021 dhe 2023.

“Kur ne kemi thënë se ekziston një aplikacion ku janë zbuluar komunikime të kryetarit të Bashkisë me stafin e tij të ngushtë, ku jepen porosira jo vetëm për tjetërsimin e votave, por edhe një nga plagët ku SPAK ende nuk ka vënë gishtin janë për zgjedhjet e vitit 2021 dhe 2023.

Ende nuk kemi asnjë fjalë për blerjen e votave në këto dy palë zgjedhje.

Në momentin që ne themi se është zbuluar një aplikacion ku jepen porositë për pagesën e pronarëve të medieve që paguhen me paratë e inceneratorëve dhe me porositë e atyre që janë në nivelet më të larta, ky kryetari është niveli më i lartë”, theksoi Këlliçi./ CNA





Lajmet e fundit nga