web counter
LEXO PA REKLAMA!

SHKARKO APP

App Store
Google Play

Bardhi: PD nuk do ta votojë komisionin anti-SPAK

29 Maj 2024, 15:01, Politikë CNA
Bardhi: PD nuk do ta votojë komisionin anti-SPAK
Kreu i Grupit Parlamentar të PD-së, Gazment Bardhi

Qeveria po tenton të krijojë një komision anti-SPAK, të cilin opozita ka paralajmëruar se nuk do ta votojë.

Këtë qëndrim e ka konfirmuar kreu i Grupit Parlamentar të PD-së, Gazment Bardhi, gjatë një prononcimi për mediat nga selia e PD-së.

Bardhi tha se opozita nuk do ta votojë komisionin anti-SPAK.

"Ne se dimë ça objekti ka ky komision, është vetëm në kokën e Ramës, i thotë opozitës këtë që kam unë në kokë duhet të jeni ju pjesë. Gjatë kohës që ne ishim në mbledhje, kryetarja e Kuvendit kërkonte mbledhje me kreun e grupit dhe kryetarët dhe zv.kryetarët që përfaqësojnë opozitën. Një institucion serioz nuk mund të fusë në rend dite një komision që do të duhet të jetë gjithëpërfshirës pa u konsultuar me opozitën. Kanë dalë zbuluar me talljen që po bëjnë me këtë çështje. Ne do t'i përkushtohemi luftës ndaj korrupsionit dhe shtetit ligjor. Nëse Rama ka vullnet për të luftuar korrupsionin, ta nisim me luftën ndaj korrupsionit zgjedhor. Pa zgjedhje të lira dhe të ndershme nuk mund të ketë luftë ndaj korrupsionit. Nëse e kanë seriozisht ta nisin nga kjo çështje. Në ça gjëje të marrim pjesë, një komision që s’ka objekt. Jemi ftuar të votojmë nesër një gjë që nuk e dimë ça përmban. Tregon sa seriozisht e kanë luftën ndaj korrupsionit. Nuk kanë vullnet, por duan ta përdorin për propagandë.

Do të duan të bëjnë sikur po konsultohen me opozitën. S’ka pasur asnjë konsultim, kanë bërë çdo gjë fakt të kryer. Ta tërheqin të bëjnë ç'të duan. Sa kohë që e kanë nisur si propagandë ditë të vazhdojnë në rrugën e tyre, ne kemi rrugën tonë. Luftë reale ndaj korrupsionit, por i korruptuari nuk mund të zotohet që do të luftojë korrupsionin. Nuk e mbështesim me votë ngritjen e këtij komisioni. Kur ne s’mbështesim, s'i japim konsensusin se jemi ngritur si mund të marrim pjesë në një komision që e ngre siç do Edi Rama", deklaroi ai./ CNA





Lajmet e fundit nga