web counter
LEXO PA REKLAMA!

SHKARKO APP

App Store
Google Play

Kod unik për çdo ndërtesë/ Balla: Cilët janë 8 elementët kryesorë për adresat

30 Maj 2024, 13:59, Politikë CNA
Kod unik për çdo ndërtesë/ Balla: Cilët janë 8
Ministri i Brendshëm, Taulant Balla

Ministri i Brendshëm, Taulant Balla, shpjegoi këtë të hënë në Parlament projektligjin për sistemin e adesave.

Balla tha se çdo ndërtesë duhet të ketë kod unik dhe të gjitha institucionet do t’u referohen adresave me këtë kod.

“Çdo ndërtesë të ketë kod unik, kjo lehtëson saktësinë e informacionit për adresat. Duhet të kemi regjistër unik adresash në rang vendi. Të gjitha institucionet do të referohen në këtë regjistër, nuk ka më që Kadastra të ketë adresat e veta, bashkia të vetat. Shikoni faqen 'Adresari', ku po punohet për regjistrim adresash. Shfrytëzoni këtë mundësi për të gjetur çdo adresë në Shqipëri”, u shpreh ai.

Ministri deklaroi se kodi unik do të përmbajë 8 elementë kryesorë që po referojnë adresën, bashkinë, njësinë administrative, qytetin, fshatin, kodin postar, bulevardin, rrugën dhe sheshin, nr. e ndërtesës dhe nr. e apartamentit.

“Ne kemi zgjidhur pjesën që lidhet me detyrimin, që lidhet me problemin e vendimmarrjes që lidhet me emërtesat e rrugëve, që është një detyrim i bashkive, ku kemi rritur penalizmin ndaj kryetarëve të bashkive për moszbatim të ligjit sa i takon detyrimit që kanë për emërtimin e rrugëve. Ne po rrisim penalizmin sepse kjo punë nuk është bërë dhe nuk shoh një forcë tjetër të ushtrimit të ligjit përveç forcës së penaliteteve.

Kodi unik është alfa numerik, do të përmbajë 8 elementë kryesorë që po referojnë adresën, bashkinë, njësinë administrative, qytetin, fshatin, kodin postar, bulevardin, rrugën dhe sheshin, nr. e ndërtesës dhe nr. e apartamentit. Kjo do të lehtësojë orientimet dhe gjetjen e adresave në të gjithë vendin”, theksoi Balla./ CNA





Lajmet e fundit nga