web counter
LEXO PA REKLAMA!

SHKARKO APP

App Store
Google Play

E fundit!

x

Xhaferri: Rama si Lukashenko, arreston kritikun e Putin-it

30 Maj 2024, 13:17, Politikë CNA
Xhaferri: Rama si Lukashenko, arreston kritikun e Putin-it
Kreu i FRPD-së, Besart Xhaferri

Kreu i FRPD-së, Besart Xhaferri, ka reaguar në lidhje me arrestimin e një shtetasi rus, me qëllim ekstradimin në Moskë.

Në një status në rrjetet sociale, Xhaferri thotë se 57-vjeçari me inciale A. B. është kritik i president rus, Vladimir Putin.

Ai e krahason kreun e qeverisë me Presidentin e Bjellorusisë, Aleksandër Lukashenko.

Kreu i FRPD-së thekson se autoritetet ligjzbatuese të vendeve të BE-së kanë refuzuar arrestimin dhe ekstradimin e 57-vjeçarit për shkak të prapavijës politike në Rusi.

“Rama si Lukashenko, nis arrestimet e kritikëve të Putinit!

Një neurokirurg rus që ka ardhur në Shqipëri me miqtë e tij gjerman është arrestuar nga Policia e Edi Ramës, për mëkatin e vetëm se është shpallur në kërkim nga Kremlini si një kundërshtar i regjimit të Putinit.

Arrestimi dhe ekstradimi i 57 vjeçarit A. B. sipas medieve është refuzuar nga autoritet ligjzbatuese të vendeve të BE për shkak të prapavijës politike të dosjes së tij në Rusi.

Aleksandër Bobovnikov ka dalë hapur kundër agresionit rus në Ukrainë, ndaj për këtë arsye nisën montimet e akuzave ndaj tij.

Ky është një skandal që njollos rëndë Shqipërisë, që sot nuk ka asnjë dallim nga Bjellorusia e Lukashenkos dhe Çeçenia e Kadyrov.

Drejtësia shqiptare e asistuar dhe financuar nga BE të refuzojë ekstradimin e tij duke ndjekur precedentin dhe standardin e Gjermanisë dhe Italisë”, nënvizon Xhaferri./ CNA





Lajmet e fundit nga