web counter
LEXO PA REKLAMA!

SHKARKO APP

App Store
Google Play

E fundit!

x

Ina Zhupa “fshikullon” Nikollën/ “Ke njohuri të cekëta”

30 Maj 2024, 11:08, Politikë CNA
Ina Zhupa “fshikullon” Nikollën/ “Ke njohuri të
Deputetja Ina Zhupa

Deputetja Ina Zhupa u tregua e ashpër me kryeparlamentaren Lindita Nikolla në seancën e sotme plenare.

Zhupa kërkoi projektrezolutë dhe një mocion me debat në lidhje me dhunën ndaj gazetarëve, por Nikolla e refuzoi.

Kaq mjaftoi që deputetja të hedhë akuza ndaj kryeparlamentares, të cilën e quajti të cekët.

Ajo i vuri në dukje Nikollës se veprimet e saj shkelin rregulloren e Kuvendit, ndërsa theksoi se lejon vetëm mocionet për veprimtarinë e Këshillit të Ministrave.

“Bëhet fjalë për një rezolutë për barazinë gjinore dhe për gratë gazetare. Ju duhet të thoshit faleminderit për këtë rezolutë dhe jo të thoni nuk është çështje e qeverisë. Rregullorja është e qartë dhe çdo jurist mund të thotë se si lexohen nenet, por ju dhemb se Rama i trajton gazetarët në mënyrën më të keqe të mundshme. Shqipëria është në vendin e fundit për lirinë e medias. Ju i shtyni gazetarët kur bëjnë pyetje që kryeministrit tuaj nuk i pëlqejnë. Është faji i tij kur dhunohen gazetare femra. Mos shkelni rregulloren kur bëhet fjalë për lirinë e gazetarëve.

E di që njohuritë tuaja janë shumë të cekëta, por minimalisht duhet të pyesnit juristët dhe do duhet të konsultoheni me stafin e Kuvendit kur shkaktoni këtë precedent. Në cilën pjesë të rregullores e keni lexuar që mocionet me debat bëhen vetëm për veprimtarinë e Këshillit të Ministrave. Kemi bërë mocion për gjenocidin në Srebrenicë dhe luftën në Ukrainë, cila nga këta është veprimtari e Këshillit të Ministrave?

Neni lexohet në tërësi, jo të marrësh një nen e të lësh një tjetër. Në jurisprudencë zonja kryetare, rregulloja e Kuvendit është që secili nen lexohet në tërësinë e vet dhe rregulloja në cilësinë e vet. Dëshiron t’i tregosh Ramës se nuk lejoj të flitet për gjuhën tënde linçuese. Rama i trajton gazetarët në mënyrën më të keqe të mundshme”, theksoi Zhupa./ CNA





Lajmet e fundit nga