web counter
LEXO PA REKLAMA!

SHKARKO APP

App Store
Google Play

Tjetër kallëzim për Veliajn, përfundon në SPAK edhe Agron Malaj

30 Maj 2024, 12:29, Politikë CNA

Tjetër kallëzim për Veliajn, përfundon në SPAK edhe

Një tjetër kallëzim është depozituar këtë të enjte në SPAK ndaj kryebashkiakut të Tiranës, Erion Veliaj.

Gjithashtu, në kallëzim përfshihet edhe kryetari i Bashkisë së Matit, Agron Malaj. Dokumentet u dorëzuan në SPAK nga avokatja Adriana Kalaja, në emër të Partisë Demokratike.

PD akuzon Veliajn dhe Malajn se kanë konsumuar veprat penale të korrupsionit dhe përfitimit të paligjshëm të tenderëve.

Kallëzimi lidhet me ndërtimin e hotelit “La Brisa” në Dhërmi, ku janë të përfshirë edhe drejtorët e Veliajt.

“Drejtori i UKT-së Tiranë dhe kreu i Bashkisë së Tiranës, Erion Veliaj..., ne kemi çmuar se përmbushen të gjithë hapat për të bërë një kallëzim penal shtesë dhe kundër Bashkisë së Matit, të cilët dyshohen se kanë kryer vepra të rënda penale që lidhen me korrupsionin pasiv të zyrtarëve të lartë dhe përfitimi i paligjshëm që ka bërë vëllai i Agron Malajt, në cilësinë e ortakut me katër kompani që ne kemi denoncuar më herët.

Kemi sjellë në vëmendje të SPAK-ut megjithëse këto shkelje shumë të rënda në buxhetin e bashkive respektive janë evidentuar dhe nga KLSH, që ne e kemi referuar dhe organi hetimor nuk ka marrë asnjë masë që lidhet me avancimin e mëtejshëm të konsumimit të këtyre veprave penale.

Ne i kemi kërkuar SPAK-ut të sekuestrojë hotelin ‘La brisa’ në Dhërmi, po ashtu kemi kërkuar ngritjen e një grupi hetimi që të gjejë burimin e të ardhurave që është ngritur ky hotel dhe kemi kërkuar një analizë të hollësishme për tenderët që ka përfituar vëllai i Malajt në Bashkinë e Tiranës”, theksoi Kalaja në një prononcim për mediat./ CNA





Lajmet e fundit nga