web counter
LEXO PA REKLAMA!

SHKARKO APP

App Store
Google Play

E fundit!

x

Cara, në takimin e Ramës në Milano/ PD: Kurbinasit ndodhen në dramën e papunësisë

1 Qershor 2024, 14:44, Politikë CNA
Cara, në takimin e Ramës në Milano/ PD: Kurbinasit ndodhen
Elda Hoti

Deputetja e Partisë Demokratike, Elda Hoti, ka reaguar pasi kryetarja e Bashkisë së Kurbinit, Majlinda Cara, ka pranuar se ishte e pranishme në takimin e Kryeministrit Rama me Diasporën në Milano.

Hoti u shpreh se teksa Cara mbush sallën e Ramës në Milano, kurbinasit ndodhen në dramën e papunësisë.

"Kryetarja e Bashkisë dhe administrata, në Milano nuk përfaqësoi asnjë nga ju, por përfaqësuan deformimin e vullnetit tuaj. Mjafton të shikosh si është boshatisur Kurbini për të kuptuar se si po qeveriset bashkia", u shpreh ajo. 

Deklarata e plotë:

Shembulli i patronazhistit, e cila u shfaq aq shumë krenare bashkë me administratën për të mbushur sallën e shefit te saj në Milano, u bë edhe kryetarja e Bashkisë Kurbin.

Majlinda Cara u be pjesë e mashtrimit publik të Edi Ramës ku mitingu me patronazhistë paraqitet si takim me Diasporën.

Por në fakt Diaspora e vetme që e mbështet Edi Ramën janë çunat e Dubait që gjasme kërkohen nga policia e regjimit.

Rama duhet të shpjegojë se me çfarë parash po i bën këto takime partiake.
A po vjedh paratë e të rinjve, pensionistëve apo të gjithë qytetarëve?

Kryetarja e Bashkisë Kurbin, në një prononcim për ‘Piranjat”, nuk e fsheh aspak, se lëviz drejt Milanos për të kënaqur egon e Kryeministrit, që udhëton me çarter, gënjen me televizion dhe mburret me 'Facebook'.

Ndërkohë që kryetarja bën koncert në Milano, Miloti, Fushë-Kuqja, Mamurrasi dhe Laçi ndodhen në dramën e papunësisë dhe ushqimeve me liste shohin cirkun luksoz të Car Ramës.

Mjafton të bisedosh me qytetarët dhe i kupton investimet fasadë që kanë bërë.

Sot ke akoma familje që jetojnë në pallate të dëmtuara nga tërmeti dhe u rrezikohet jeta.

Të dashur qytetarët e mi kurbinas,

Kryetarja e Bashkisë dhe administrata, në Milano nuk përfaqësoi asnjë nga ju, por përfaqësuan deformimin e vullnetit tuaj. Mjafton të shikosh si është boshatisur Kurbini për të kuptuar se si po qeveriset bashkia.

Mjafton të shohësh zymtinë në Laç për të kuptuar si administrohet qyteti.

Luksi është vetëm në një vend, në zyrat e bashkisë, aty ku mermeri dhe tavolinat e shtrenjta janë shembull i babëzisë së njerëzve që kurrë nuk ngopen, e “mos u ngopshin kurrë”, thotë populli.

Ndërkohë që varfëria është ulur këmbëkryq në çdo familje kurbinase.

Të dashur qytetarë të Kurbinit,

Ju që keni mbushur rrugët e Evropës pasi nuk gjetët shpresë dhe mundësi në vendin tuaj.
Ashtu siç ju përzuri Edi Rama nga Shqipëria, përzëreni ju tani nga takimet hipokrite me patronazhistët e tij./CNA 





Lajmet e fundit nga