E fundit!

11:30 Aktualitet

Kultura nën drejtimin e Gonxhes/ Nënfinancimi dhe pasojat në tregun e punës

Raporti më i fundit i INSTAT për vitin 2025 zbulon një rea...

Rritje e krimit?/ Rama për “RAI3”: Mafia nuk ka etni, s’janë shqiptarë

2 Qershor 2024, 20:32, Politikë CNA

Rritje e krimit?/ Rama për “RAI3”: Mafia nuk ka etni,

Kryeministri Edi Rama ka dhënë një intervistë për emisionin “Report” të medias italiane “RAI3”, ku është pyetur edhe për krimin e organizuar.

Gazetari Giorgio Mottola i përmendi akuzat për rritje eksponenciale, ndërsa Rama i kërkoi fakte për një deklaratë të tillë.

Kreu i qeverisë deklaroi se mafia ndërkombëtare nuk ka kufij dhe dalja në konkluzionin se është rritur përqindja e shqiptarëve që merren me aktivitet të jashtëligjshëm i jep një shije të hidhur.

Pjesë nga intervista:

Rai3: Megjithatë, qëkurse keni ardhur në pushtet, në vitin 2013, ka pasur një rritje eksponenciale të peshës së mafies, qarkullimeve të mafies shqiptare.

Rama: Kush e thotë këtë?

Rai3: Edhe hetimet italiane flasin që mafia shqiptare është bërë shumë e fortë në nivel ndërkombëtar.

Rama: Para së gjithash, ndodhte njëherë e një kohë kur media italiane thoshte “ishte një shqiptar” për çdo gjë të keqe dhe ai program më bëri të ndjeja pak shijen e atyre kohëve.

Rai3: Ai ishte racizëm, italianët ishin shumë racistë atëherë, por këtu flasim për fakte, për hetime gjyqësore.

Rama: Unë besoj që, kur flitet për të tilla gjëra, duhen parë gjithnjë faktet. Të flasësh për rritje eksponenciale të mafies shqiptare do të thotë, mbi të gjitha, të flasësh për një mafie ndërkombëtare që nuk njeh kufij, që nuk ka etni. E duke qenë se vijnë nga vende të ndryshme dhe që, për shembull, Eldoradon e vet nuk e ka në Shqipëri, e ka në Holandë, e ka në Portin e Roterdamit. Dje, Wall Street Journal botonte një artikull për Holandën dhe Belgjikën që e bënte Italinë të dukej një vend steril dhe Shqipërinë një vend të tredhur nga këndvështrimi i kapaciteteve mafioze.

Atëherë, për çfarë po flasim dhe pse nuk thuhet asnjëherë që Holanda është një narkoshtet? Që nuk është… Po është kaq e lehtë që ta quash Shqipërinë narkoshtet sikur s’po thua asgjë, ndërkohë që Shqipëria sot është një vend ndryshe dhe ju mund ta dëshmoni këtë./ CNA