E fundit!

20:38 Aktualitet

Përballë Nokës për postin e Sekretarit të Përgjithshëm të PD-së/ Korreshi: Ja kur e mora vendimin për të garuar

Deputeti Saimir Korreshi është vendosur përballë Flamur No...

“Censusi, një mashtrim”/ Berisha: Popullata nuk është kurrë ajo që pretendohet

2 Qershor 2024, 21:54, Politikë CNA

“Censusi, një mashtrim”/ Berisha: Popullata nuk është

Kryetari i Partisë Demokratike, Sali Berisha

Kryetari i Partisë Demokratike, Sali Berisha akuzoi mbrëmjen e sotme qeverinë e Edi Ramës se ka mashtruar me numrin e shifrave të censusit.

Në fjalën e tij në protestën te rruga “Mustafa Matohiti”, Berisha deklaroi se popullata jo vetëm në periferi, por as një Tiranë dhe Durrës nuk është ajo që pretendohet.

Ai publikoi shifrat e raportit të Eurostat duke theksuar se gjatë qeverisë së Ramës kanë ikur nga Shqipëria më shumë se 1 mln shqiptarë.

Pjesë nga deklarata:

Qytetarë dhe qytetare, duhet ta dini se regjistrimi çdo 10 vite i popullatës është një detyrim shtetëror për çdo vend, për të ndërtuar politikat sociale, ekonomike dhe në tërësi. Regjistrimi i vitit 2011 përfundoi më 20 tetor, u publikuar me 21 dhjetor të vitit 2011. Por regjistrimi i vitit 2011 u realizua me formularë në letër të cilët skanoheshin në skaner. Dhe natyrisht skanimi i miliona formularëve, kërkonte dhe mori gjithsej 6 javë. Po regjistrimi i vitit 2023?

Regjistrimi i vitit 2023 u bë me formularë digjital, të mbushur në tabletë, të cilët sapo përfundonte regjistrimi i të dhënave, kalonin direkt në serverin kryesor. Çfarë duhet të them me këtë?

Momentin kur shqiptari i fundit përfundonte regjistrimin, të gjitha të dhënat e regjistrimi ishin të gatshme. Por çfarë ndodhi miqtë e mi! Të dhënat e regjistrimit ishin të gatshme, ditën, orën, minutën që përfundoi regjistrimin shqiptari i fundit. Mirë po ne, sot as tani nuk kemi asnjë të dhënë. Sepse në këtë regjistrim shqiptarët kanë dalë më pak se në Kosovë.

Sepse në këtë regjistrim shqiptarët kanë dalë jo më shumë se 1 milion e 420 mijë. Sepse popullata jo vetëm në periferi, por as një Tiranë dhe Durrës nuk është kurrë ajo që pretendohet. Numri është mashtrim, mashtrim dhe vetëm mashtrim.

Tani më lejoni tu lexoj shqiptarëve, para jush shifrën e saktë të dhënë nga Eurostati dhe statistika e Britanisë së Madhe për emigrantët shqiptarë, shtetasit shqiptarë të larguar nga viti 2014-2022. Këto të dhëna tregojnë se, kanë kërkuar azil politik në BE, 191.670 qytetarë shqiptarë. Se gjenden në ilegalitet të paregjistruar në hapësirën e Shengenit, 311.650 shqiptarë. Se janë sistemuar gjatë këtyre viteve në punëra dhe regjistruar, përveç këtyre 487.225 shqiptarë.

Dhe se, në Mbretërinë e Bashkuar vetëm gjatë vitit 2022 emigruan nga Shqipëria, 40 mijë shqiptarë. Të gjithë këta tejkalojnë mbi 1 milionë shqiptarë. Tejkalojnë rreth 35% e shqiptarëve kanë emigruar nga 2014 në 2022./ CNA