web counter
LEXO PA REKLAMA!

SHKARKO APP

App Store
Google Play

Kullat “mbysin” Tiranën/ Rama: Është vetëm fillimi, do ndërtojmë më shumë

2 Qershor 2024, 21:13, Politikë CNA

Kullat “mbysin” Tiranën/ Rama: Është vetëm

Kryeministri Edi Rama ka deklaruar hapur se do të vijojë të lejojë ndërtimin e kullave në Shqipëri.

Në një intervistë për “RAI3”, Rama tha se është vetëm fillimi i ndërtimit të kullave, pasi theksoi se pas 5 vjetësh do të ketë shumë më tepër.

Kreu i qeverisë theksoi se për të ndërtuar këto kulla janë angazhuar arkitektë nga e gjithë bota.

Pjesë nga intervista:

RAI3: Duke folur për fakte, Tirana është transformuar qëkur ju ishit kryetar bashkie e në vijimësi. Janë ndërtuar kulla shumë të larta fantastike. Si janë financuar këto kulla? Vitin e kaluar, në sektorin e pasurive të paluajtshme, ka pasur një investim me vlerë rreth 3,7 miliardë euro, por, pak a shumë, vetëm 800 milionë vinin nga bankat. Nga vijnë paratë me të cilat...
 
Rama: Para së gjithash, edhe kjo nuk është e vërtetë. Këtu po ndërtojmë. Ka një numër kullash, por është vetëm fillimi. Pas pesë vjetësh, do të kemi shumë më tepër. Kemi angazhuar arkitektët më të mirë të botës. Ka gjashtë apo shtatë fitues të çmimit Pritzker, që punojnë me ne në Shqipëri. Dje isha në Lezhë, ku është vendi që kemi pritur afganët dhe ku do të jenë edhe qendrat dhe, vetëm vitin e kaluar, në Lezhë, iu shitën 500 pasuri të paluajtshme shtetasve të Bashkimit Europian, polakë, spanjollë, çekë, holandezë./ CNA





Lajmet e fundit nga