web counter
LEXO PA REKLAMA!

SHKARKO APP

App Store
Google Play

E fundit!

x

Do marrë drejtimin e PD-së?/ Argita Malltezi nuk përjashton mundësinë

3 Qershor 2024, 23:03, Politikë CNA
Do marrë drejtimin e PD-së?/ Argita Malltezi nuk përjashton
Argita Berisha Malltezi

Argita Berisha Malltezi, vajza e ish-kryeministrit Sali Berisha, është pyetur nëse do të jetë pasuese e babait të saj për drejtimin e Partisë Demokratike.

Argita Berisha Malltezi nuk përjashtoi mundësinë e drejtimit të PD-së, teksa tha se do ta rrisë angazhimin në politikë nëse është e nevojshme.

Megjithatë, ajo theksoi në emisionin “Now” të Erla Mëhillit se momentalisht është e angazhuar në karrierën si jurist.

“Unë shpresoj që të kem përçuar vërtetësinë në atë që kam thënë. E kam provuar edhe me qëndrimin tim që nga 2013 e këtej që nuk kam ambicje për të marrë një pozicion të tillë. Kjo nuk ka ndryshuar. Nuk kam ambicie për të marrë një pozicion të tillë. Jam shumë e kënaqur me profesionin dhe punën që bëj, por jeta merret ashtu siç të vjen. Dhe këto rrethana më kanë sjellë të merrem me çështje të tilla, publikisht dhe privatisht. Unë i përgjigjem atyre nevojave që ka çështja për momentin. Aktualisht jam e angazhuar dhe vij edhe në këtë studio për shkak të kësaj çështjeje. Nuk kam ambicie politike, por kam qenë gjithnjë kontributore dhe aktiviste e PD. Gjithmonë do të jem. Nëse është e nevojshme të rris angazhimin tim në politikë do ta bëj. Jeta merret ashtu siç të vjen”, nënvizoi vajza e ish-kryeministrit./ CNA





Lajmet e fundit nga