web counter
LEXO PA REKLAMA!

SHKARKO APP

App Store
Google Play

E fundit!

x

“Babalja” grindet për dëshminë e Rrumbullakut/ Toni Gogu i kundërpërgjigjet ashpër

4 Qershor 2024, 19:10, Politikë CNA

“Babalja” grindet për dëshminë e Rrumbullakut/ Toni

Mbledhja e Komisionit Hetimor për ndërhyrjet në TIMS, i njohur ndryshe si Komisioni "Babale" po shoqërohet me debate.

Komisioni “Babale” pyeti për rreth 3 orë minisrin e Brendshëm Taulant Balla për rrjedhjen e të dhënave të sistemit TIMS, ndërsa tashmë po diskutohet për dëshminë e drejtorit të Policisë së Shtetit, Muhamet Rrumbullaku.

Deputeti “Babale”, Ervin Salianji kërkoi me ngulm që Rrumbullaku të merret në pyetje me dyer të hapura, ndërsa deputeti socialist, Toni Gogu iu kunërpërgjigj ashpër.

Gogu deklaroi se Komisioni Hetimor nuk është gjykatë popullore dhe vendimet mund të merren nga kryetari, por përmes votës së anëtarëve.

Pjesë nga debati:

Salianji: Pavarësisht masës së marrë nga dy gjykata për drejtorin e IT ai është në detyrë dhe vetëm i pezulluar, s’ka marrë asnjë masë për të goditur paligjshmërinë sipas rendit të ditës kemi  në dëgjesë drejtorin e policisë rrumbullaku për shkak të bojkotit të maxhorancës shkresa është hedhur për votim sipas parashikimeve, nëse mbledhjet nisin me kuorum di që kërkesë merret me shumicën e anëtarëve të pranishëm, pikë të parë të kërkesës që të jetë i hapur për publikun për të komunikuar me qytetarët shkeljet në lidhje me ndërhyrje në sistemin e TIMS.

Gogu: Ky organ flet përmes vendimmarrjes dhe vendimmarrja ka qenë që të shtyhet derisa anëtarët të pajiseshin me certifikatë sigurie, shumica janë pajisur me certifikatë sigurie, administruam dëshminë e zotit Taulant Balla. Kërkesën formale të drejtorit ta hidhni në votim, mbledhja të vijojë me dyer të mbyllura

Salianji: Edhe një herë tjetër duhet të vë në pah se si përfaqësuesit e PS vjedhin, i hanë gërmat, është hedhur për të vazhduar mbledhje e hapur, më thoni dot se si mund ta zhbëjmë këtë? Meqë PS ka frikë të përballet me drejtuesit e institucioneve, ju thoni t mbyllim në mënyrë të paligjshme.

Gogu: Ujku qimen e ndërron, por zakonin s’e harron. Kërkoni ta ktheni Komisionin Hetimor për TIMS-in, në një gjykatë popullore. Muhamet Rrumbullaku thotë se materialet përmbajnë të dhëna sensitive. Nuk kërkoi njeri mbledhje me dyer të mbyllura. Komisioni nuk duhet të vendosë përmes fakultetit unik të kryetarit, por përmes votës së anëtarëve. Përmes fuqisë së kamerës, kërkoni ta shndërroni Komisionin, në Gjykatë popullore. Por, gënjeshtra, gënjeshtër mbetet. Të hedhim në votim kërkesën që ka bërë dëshmitari Muhamet Rrumbullaku, për një mbledhje me dyer të mbyllura./ CNA





Lajmet e fundit nga