web counter
LEXO PA REKLAMA!

SHKARKO APP

App Store
Google Play

Rama i kundërpërgjigjet Ahmetajt: "RAI 3" u bazua te një i shpallur në kërkim nga SPAK-u

4 Qershor 2024, 14:14, Politikë CNA

Kryeministri Edi Rama, në një sqarim për opinionin publik, pas investigimit të medias "RAI 3", i është kundërpërgjigjur edhe ish-zv/kryeministrit Arben Ahmetaj, pasi ky i fundit për median italiane tha se kreu i qeverisë ka takuar krerët e mafias në zyrë.

Rama u shpreh se u përdor si heroi i një shfaqjeje të shëmtuar një i arratisur i shpallur në kërkim ndërkombëtar nga SPAK-u. 

"Po me kë e kishin ata në fakt? Ata e kishin me qeverinë e tyre, por deri këtu janë në të drejtën e tyre, por pastaj kur fusin në valle edhe qeverinë tonë duke marrë autobote me llum nga kanalet e ujërave të zeza politike dhe mediatike këtu në Tiranë për të thënë atje se marrëveshja e qeverisë së Italisë me Shqipërinë, jo vetëm që është e keqe, por është bërë edhe me një narkoshtet me një qeveri ku shumë anëtarë të saj na qenkan të lidhur me mafian, ata shkelin jo vetëm mbi të vërtetën, por edhe mbi nderin dhe dinjitetin tonë shtetëror dhe kombëtar. Bashkëpunimi me një grup shqiptarësh që ju njihni shumë mirë, që s'kanë atdhe, që s'kanë fe, s'kanë din, s'kanë iman, që shajnë dhe shpifin ditë-natë prej vitesh të tëra, por vetëm humbasin dhe diskreditohen përditë, 'RAI 3' shfaqje të neveritshme. U përdorën si heronj të këtyre shfaqjeve figura të errëta, një italian i dënuar 17 vjet nga drejtësia shqiptare për tërë të zezat, një i arratisur i shpallur në kërkim ndërkombëtar nga SPAK-u, një i mbyllur në arrest shtëpie nga Gjykata Speciale Antikorrupsion, një i përjashtuar nga vetingu në sistemin e drejtësisë. U mor edhe ndonjë opinionist, veteran i luftës me gjysmë të vërteta kundër meje e qeverisë sonë qysh se s’mbahet mend e ku di unë kush tjetër, ndërkohë që u trajtuan si personazhe negative të shfaqjes, deri te personalitete të politikës e të kulturës italiane apo lloj-lloj individësh të njohur e të panjohur në Shqipëri, duke hedhur baltë akuzash e dyshimesh, pa asnjë lloj fakti", u shpreh Rama./CNA 

 





Lajmet e fundit nga