web counter
LEXO PA REKLAMA!

SHKARKO APP

App Store
Google Play

Rama kërkesë shqiptarëve, thumbon opozitën/ “Braktisni përgjithnjë ujërat e zeza”

4 Qershor 2024, 14:20, Aktualitet CNA

Kryeministri Edi Rama u është drejtuar me një kërkesë shqiptarëve përmes videomesazhit të tij.

Ai ka shigjetuar ish-kryeministrin Sali Berisha dhe shumicën e opozitës, duke kërkuar nga qytetarët që t’i braktisin përgjithnjë.

Rama u kërkoi që të mos u shkojnë më pas atyre që nuk i duhen as dreqit.

"Unë e kam me të gjithë shqiptarët e zakonshëm dhe e kam të thjeshtë fare: 

Mos i falni më! Braktisini përgjithnjë në vetminë e ujërave të zeza të politikës së tyre. Shumica që i ka braktisur prej kohësh duhet të bëhet gati për t’i shkatërruar fare me votë në ditën e afërt të gjykimit popullor. Pakica që ende nuk i ka braktisur, është në të drejtën e Zotit të mos bashkohet me shumicën nëse nuk do, po jo të vejë më pas tyre, sepse ata nuk i duhen as dreqit, jo më Shqipërisë! Ata janë mishërimi i shpirtit të së keqes që po del nga jeta e Shqipërisë, duke u çjerrë në përpëlitjet e fundit. Ky vend ka kry punë me atë shpirt të keq që e persekuton qysh prej vitit 1912.

Shqipërinë nuk e ndal më asgjë dhe nuk ia përcakton më të ardhmen askush, përveç nesh, shqiptarëve. Kokën lart dhe vetëm përpara!", tha Rama./ CNA





Lajmet e fundit nga