web counter
LEXO PA REKLAMA!

SHKARKO APP

App Store
Google Play

E fundit!

x

Dhuna ndaj Sokol Mëngjesit/ Dhoma Kombëtare e Avokatisë, mbledhje të jashtëzakonshme

4 Qershor 2024, 11:06, Aktualitet CNA
Dhuna ndaj Sokol Mëngjesit/ Dhoma Kombëtare e Avokatisë, mbledhje
Sokol Mëngjesi

Mbledhje e jashtëzakonshme e Dhomës Kombëtare të Avokatisë, pas dhunës barbare të ushtruar nga avokati Sokol Mëngjesi. 

Mbledhja pritet të nisë pak minuta më vonë në lidhje me dhunën e ushtruar ndaj avokatit Sokol Mëngjesi, ku do të ketë diskutime edhe për hetimet. 

Avokati Mëngjesi ndodhet në gjendje të rëndë shëndetësore dhe një ditë më parë u njoftua se do të dërgohej drejt Athinës, për një ndihmë mjekësore më të specializuar. 

Mëngjesi, prej 7 ditësh ka qenë në gjendje kome dhe po merr mjekim në Spitalin e Traumës në Tiranë. 

Kujtojmë se avokati u sulmua nga disa persona mëngjesin e 29 majit, në kopshtin në zonën e ish-Bllokut. 3 ishin autorët që e dhunuan barbarisht, ndërsa një tjetër person ndihmoi në largimin e tyre nga vendngjarja.

Në pranga janë vendosur porositësi i sulmit, Dritan Nano, si dhe njëri nga agresorët, Dorian Alia. Autorët e tjerë, Romarjo Tabaku, Drivald Alia dhe Elton Kasaj, ndodhen në arrati.

Ngjarja ndodhi pas një konflikti për një çështje prone. Avokati përfaqësoi në gjyq pronarët dhe fitoi çështjen, por më pas ata kanë refuzuar të paguajnë Mëngjesin.

Pasi nuk kanë mundur të bien në dakord, ata kanë kryer sulmin e rëndë ndaj avokatit./ CNA





Lajmet e fundit nga