web counter
LEXO PA REKLAMA!

SHKARKO APP

Për herë të parë rezident/ Ndryshohet ambasadori i Shqipërisë në Ukrainë

3 Qershor 2024, 21:57, Aktualitet CNA

Presidenti Bajram Begaj ka dekretuar ndryshime në diplomaci këtë të hënë.

Begaj ka pranuar lirimin nga detyra të ambasadores së Jashtëzakonshmë e Fuqiplotë të Shqipërisë në Ukrainë, Mimoza Halimi, e cila nuk ka qenë rezidente në Kiev.

Halimi vijon të jetë ambasadore e Shqipërisë në Republikën e Polonisë ku është rezidente, si dhe në Estoni, Letoni dhe Lituani.

Tashmë diplomacinë shqiptare në Ukrainë do ta drejtojë Ernal Filo. Ndryshe nga ambasadorja e mëparshme, Ernal Filo do të jetë resident në Ukrainë.

Për herë të parë, Shqipëria do të ketë një seli diplomatike dhe një ambasador rezident në Kiev.

Më parë, raportet diplomatike mes Shqipërisë dhe Ukrainës mbuloheshin përmes Ambasadës së Shqipërisë në Poloni, ku ambasadori rezident mbulonte edhe Ukrainën.

Ernal Filo është një nga diplomatët me përvojë në Ministrinë e Jashtme, pasi shërben për politikën e jashtme që prej vitit 1997./ CNA





Lajmet e fundit nga