web counter
LEXO PA REKLAMA!

SHKARKO APP

App Store
Google Play

E fundit!

x

E drejta për informim/ Rama: Ka progres në transparencë, së shpejti konferenca e jashtëzakonshme

3 Qershor 2024, 11:03, Aktualitet CNA
E drejta për informim/ Rama: Ka progres në transparencë, së
Kryeministri Edi Rama

Kryeministri Edi Rama, në konferencën Ndërkombëtare të Komisionerëve të Informimit, edicioni i 15-të, ka deklaruar se në qershor do të mbahet një konferencë e jashtëzakonshme për të drejtën e informimit.

Numri një i qeverisë u shpreh se e drejta për informim është parakusht për shëndetin dhe zhvillimin e demokracive funksionale.

Rama thkesoi se ka progres në transparencë, por nuk është mjaftueshëm deri në pikën ku synon të arrijë.

Kryeministri e ka cilësuar si një sfidë hendekun mes hartimit të ligjeve dhe zbatimit.

“Sfida është si të bëjmë që të rriturit të mos i tremben dritës e si t'i bëjmë qeveritë e institucionet shtetërore të mos i tremben dritës.

Dua të shtoj se e drejta për informim është parakusht për shëndetin e zhvillimin e demokracive funksionale.

I kënaqur të shoh progresin në transperencë, por i vetëdijshëm që ky përparim thotë shumë për atë prej nga vijmë e tregon se nuk është mjaftueshëm krahasuar me aty ku duam të arrijmë. Ndaj shumë shpejt, në fund të qershorit, do të mbajmë një konferencë të jashtëzakonshme për të drejtën e informimit që e kemi konceptuar si ballafaqim mes fakteve dhe institucioneve. Mes asaj që shkruhet në ligjet tona dhe asaj që zbatohet.

Hendeku mes hartimit të ligjeve dhe zbatimit, është sfidë për shumë prej nesh sepse jemi vende e njerëz që ndajmë një mendësi kur flitet për të drejtën e informimit. Nuk jemi suedezë, jemi të vetëdijshëm”, tha ai./ CNA





Lajmet e fundit nga