web counter
LEXO PA REKLAMA!

SHKARKO APP

App Store
Google Play

E fundit!

x

Akuzat e Ahmetajt/ Rama: Burim i ndotur, s’duhen marrë seriozisht

2 Qershor 2024, 20:45, Aktualitet CNA
Akuzat e Ahmetajt/ Rama: Burim i ndotur, s’duhen marrë seriozisht
Edi Rama dhe Arben Ahmetaj

Kryeministri Edi Rama, në intervistën për “RAI3” është pyetur në lidhje me akuzat e ngritura nga ish-zv.kryeministri Arben Ahmetaj në kamerën e fshehtë të televizionit italian.

Gazetari Giorgio Mottola, pa i treguar emrin e Ahmetajt, i tha se një ish-eksponent i qeverisë kishte pohuar se kreu i qeverisë kishte lejuar kanabizimin pasi sjell rritje të ekonomisë.

Rama tha se njerëz të tillë nuk duhen marrë seriozisht, ndërsa pretendoi se këto akuza vijnë vetëm për shkak se qeveria nuk e mbron më.

“Nuk e di me kë keni folur ju, por unë nuk do i besoja shumë atyre që flasin pasi nuk ua ngroh më të ndenjurat karrigia e pushtetit. Kështu e mendoj unë. Nuk janë njerëz që duhen marrë seriozisht, por vetëm mund të mëshirohen”, u shpreh ai.

Rama nuk e kurseu Ahmetajn, as kur u pyet për deklaratën se kryeministri kishte zhvilluar takime në zyrën e tij  me shefat e organizatave kriminale.

“I njejti burim iu tha?! Atëherë duhet të jetë një burim tërësisht i ndotur dhe duhet të jetë probleme me drejtësinë. Kemi një thënie ne në Shqipëri, ‘pyll pa derra nuk ka’”, theksoi kreu i qeverisë./ CNA





Lajmet e fundit nga