web counter
LEXO PA REKLAMA!

SHKARKO APP

App Store
Google Play

E fundit!

x

Debatet në mbledhjen e Këshillit/ Alimehmeti: Veliaj i trajtoi anëtarët si kriminelë të rëndomtë

1 Qershor 2024, 21:26, Aktualitet CNA
Debatet në mbledhjen e Këshillit/ Alimehmeti: Veliaj i trajtoi
Ilir Alimehmeti

Anëtari i Këshillit Bashkiak, Ilir Alimehmeti është shprehur se Erion Veliaj gjatë mbledhjes së Këshillit i trajtoi anëtarët si të ishin kriminelë të rëndomtë, ku në fakt sipas Alimehmetit janë vetë ata që vjedhin dhe rrjepin çdo ditë qytetarët.

Alimehmeti thekson se janë ata kriminelët që po fshihen pas dyerve të blinduara, pas forcave të shumta të policisë, dhe jo këshilltarët e bashkisë.

Ai shtoi se këshilltarët s'po kërkojnë asgjë më shumë se sa transparencën, po kërkojnë mbledhje për komunitetin që paratë të mos vidhen.

“Këshilltarët bashkiakë po trajtoheshin si kriminelë të rëndomtë përveç pjesës le të themi të kontrollit, që mund të mos jetë roblem, por kontolli trupor pa pasur asnjë urdhër, asnjë problem, as shqetësim, sikur të jenë kriminelë të rëndomtë, kjo është ofenduese dhe tregon fytyrën e vërtetë që ka Erion Veliaj dhe Bashkia Tiranë karshi qytetarëve, i konsideron ata si kriminelë që do dëmtojnë bashkinë kur në fakt janë ata që po e vjedhin dhe rrjepin dita-ditës.

Janë ata kriminelët që po fshihen pas dyerve të blinduara, pas forcave të shumta të policisë, dhe nuk janë këshilltarët e bashkisë ata.

Këshilltarët s'po kërkojnë asgje më shumë se sa transparencën, po kërkojnë mbledhje për komunitetin që këto para të mos vidhen.A mund të trajtohet dot një këshilltar bashkisë kështu? Ofendim i drejtpërdrejtë që të krijonte reagime brenda sallës, për përdorimin e tyre në propagandë.

Por kjo është një tjetër nga shume veglat e Erion Veliajt që ai i përdor për të hequr vëmendjen, nga korrupsioni i skajshëm që ka në atë bashki, nga fakti që ka në SPAK  dhe burg, shumicën dërrmuese të krahëve të tij elektoral dhe drejtorë”, tha Alimehmeti./CNA





Lajmet e fundit nga