Dhuna ndaj Mëngjesit/ Berisha: Rama lehtësoi akuzat ndaj autorëve, u është premtuar shpërblim

1 Qershor 2024, 20:52, Aktualitet CNA

Dhuna ndaj Mëngjesit/ Berisha: Rama lehtësoi akuzat ndaj

Ish-kryeministri, Sali Berisha

Ish-kryeministri, Sali Berisha ka hedhur akuza të forta ndaj qeverisë duke i drejtuar gishtin për dhunën ndaj avokatit Sokol Mëngjesi.

Nga ballkoni i banesës së tij në tubimin me demokratët dhe mbështetës të tij, Berisha e quajti një akt kriminal qeveritar.

Berisha akuzon Ramën se ka lehtësuar akuzat për autorët e dhunës ndaj avokatit. Sipas liderit të demokratëve, autorit që e goditi në mënyrë brutale Mëngjesin i është premtuar shpërblim, po ashtu dhe autorëve të arratisur.

“Rama lehtësoi akuzat për aktin kriminal qeveritar ndaj profesor Mëngjesit! Autorëve iu është premtuar shpërblim. Të dashur miq, sot avokati i të vërtetave që tmerruan Edi Ramën, profesor Sokol Mëngjesi vazhdon betejën e tij për jetën në gjendje kritike.

Sot Edi Rama urdhëroi mercenarët e tij të lehtësojnë aktin makabër kriminal qeveritar ndaj profesor Mëngjesit.Duke marrë përsipër edhe njëherë autorësinë e sponsorit të këtij krimi shtetëror të shëmtuar.Të dashur miq, sot doresi u paraqit në gjykatë bashkë me mikun, që thotë e bëra për miqësi këtë krim të shëmtuar.

Ju keni dëgjuar rëndom për vrasës me pagesë, kjo qeveri përdor vrasës dhe të burgosur me pagesë.Po miq, po, po!Shkoni merrni dosjen Alizoti. Alizotit për mashtrimin iu premtuan dy vite burg dhe 100 mijë euro shpërblim për dy vite burg.Po kështu doresi që u dorëzua, i janë premtuar mundet 50 mijë, mundet 100 mijë euro për vite burgu.

Kurse tre të tjerë janë në drejtim të paditur.Ky është në gjithçka një krim shtetëror.Sot lehtësuan akuzën, nesër një pretekst tjetër.Atij që i është i përzier pa diskutim që hiqet sikur nuk di gjë, Dritan Nanos i thonë mos prano.Këtij që e goditi, ranë dakord që të bëjë ca burg, por natyrisht me shpërblim.Pushtet krimi ky, pushtet i shëmtuar.

Dhe jo që mbroni Edi Ramën, çfarë shpirti, çfarë zemre keni ju?Nuk paska sot mijëra çështje nga më të ndryshmet, kurse profesor Mëngjesi kishte një kontratë të firmosur nga pala fituese se do kishte një shpërblim për punën e bërë. Asgjë tjetër, asnjë pronë të veten. Ai po merrte atë që i takonte me kontratë", tha Berisha./ CNA