web counter
LEXO PA REKLAMA!

SHKARKO APP

App Store
Google Play

E fundit!

x

Dhunuan avokatin Sokol Mëngjesi/ Veprat penale që rëndojnë mbi autorët

1 Qershor 2024, 10:53, Aktualitet CNA
Dhunuan avokatin Sokol Mëngjesi/ Veprat penale që rëndojnë
Sokol Mëngjesi

Në Gjykatën e Tiranës ka nisur mëngjesin e sotëm seanca për autorët e dhunës barbare ndaj avokatit Sokol Mëngjesi, i cili ndodhet në gjendje të rëndë në spitalin e Traumës. 

Prokuroria ka rikualifikuar veprën penale nga “vrasja e funksionarëve publik mbetur në tentativë”, në “Plagosje e rëndë me dashje kryer në bashkëpunim” dhe “Kundërshtim dhe goditja e gjyqtarit kryer në bashkëpunim”.

Ndërkohë prokuroria ka kërkuar masën e “arrestit me burg” si për dy të ndaluarit, edhe tre autorët e shpallur në kërkim, Drivald Alia, Elton Kasaj dhe Romario Tabaku. 

Ngjarja ndodhi mëngjesin e 29 majit në zonën e ish-Bllokut, ku avokati u godit nga disa persona të cilët janë identifikuar nga policia si Dorian Alia, Drivald Alia, Romario Tabaku dhe Elton Kasaj, ndërsa Dritan Nano u arrestua si porositësi i aktit brutal.

Dorian Alia, 32 vjeç, u vetëdorëzua pas ngjarjes, duke dhënë dëshmi që vërtetuan dyshimet e policisë për përfshirjen e Dritan Nanos.

Nano, 58 vjeç, akuzohet se ka organizuar dhunën pasi refuzoi të likuidonte avokatin sipas një kontrate të firmosur, pasi Mëngjesi fitoi gjyqin për pronën e një familjeje me 8 trashëgimtarë, ku sot janë ndërtuar kulla te Diga e Liqenit. Ndërkohë, tre autorët e tjerë janë ende në kërkim.

Policia po vazhdon kërkimin e autorëve, ku ka vënë në dispozicion 20 mijë euro për cilindo që jep informacione për autorët./CNA 





Lajmet e fundit nga