FOTOT-SPAK-u "shkreh" bashkinë e Veliajt/ Shteron Liqenin Artificial, barishtet e leshterikët përmbytin ujin e paktë

31 Maj 2024, 15:33, Aktualitet Xhovani Shyti

FOTOT-SPAK-u "shkreh" bashkinë e Veliajt/ Shteron Liqenin

Liqeni Artificial

Megjithëse dimri i sivjetëm mban rekordin e reshjeve të derdhura, ndonëse liqenet e hidrocentraleve vijojnë të derdhin tepricat ujore, Liqeni Artificial i Tiranës rrezikon ta shterojë gjithë ujin, që askush nuk di të thotë ku humbet.

Do të mjaftonte një shëtitje në trotuarin buzë basenit për të konstatuar zbaticën e theksuar të ujit, që ka zbritur nën nivelin normal, si dhe “përmbytjen” e tij nga barishtet, algat e leshterikët (shih setin e fotove më poshtë). Përveç peizazhit të trishtë, kjo situatë ka sjellë edhe ndotje të ajrit që kutërbon kalbëzim e myshk.

FOTOT-SPAK-u "shkreh" bashkinë e Veliajt/ Shteron Liqenin

Nëse më parë edhe shihje ndonjë punonjës mirëmbajtës të liqenit me uniformë bashkiake, aktualisht është e vështirë të ndeshesh me një të tillë. Edhe kur kjo ndodh, nga goja e tij do të dëgjosh jo përgjigjen rreth shkakut të shterimit të ujit të liqenit dhe përmbytjen nga barishtet, algat e leshterikët, por komentet rreth fatit të Lal Zdromsit me institucionin e hetimit. Konkretisht me SPAK-un, që prej javësh ka përfshirë nën hetim kryetarin e Bashkisë së Tiranës, Erion Veliaj, nën administrimin e të cilit është edhe Liqeni Artificial, parku rreth tij, si dhe kopshti zoologjik.

FOTOT-SPAK-u "shkreh" bashkinë e Veliajt/ Shteron Liqenin

Me vijimin e hetimeve të thelluara për korrupsionin galopant në të cilin është përfshirë institucioni i bashkisë, SPAK-u e ka shkrehur fare Lal Zdromsin (alias: Erion Veliajn), i cili e drejton atë që nga viti 2015.

Afera e inceneratorit që nuk ekziston, megjithëse ka gëlltitur 130 mln euro të taksapaguesve tiranas, si dhe ajo “5D”, ku vjedhja e të ardhurave publike kap shifra stratosferike, janë pellgjet që rrezikojnë mbytjen e zdromsit Veliaj e drejtorëve të tij.

FOTOT-SPAK-u "shkreh" bashkinë e Veliajt/ Shteron Liqenin

Dy aferat nën hetim nga SPAK-u, si dhe protestat pa kthim të të martave para godinës së bashkisë, e kanë nxjerrë jashtë shinave Lal Zdromsin e drejtuesit e lartë të administratës bashkiake. Gjë që e ndesh jo vetëm te shkrehja e punës së mirëmbajtjes së Liqenit Artificial, por dhe te shumë shërbime të tjera publike, si linjat dytësore urbane etj./ CNA