web counter
LEXO PA REKLAMA!

SHKARKO APP

App Store
Google Play

E fundit!

x

Komisioni “mollë sherri”/ Debate mes Arjan Çanit dhe Bylykbashit: Jeni të humbur

30 Maj 2024, 23:01, Aktualitet CNA

Komisioni “mollë sherri”/ Debate mes Arjan Çanit dhe

Komisioni i Posaçëm është kthyer në një mollë sherri mes gazetarit Arjan Çani dhe deputetit Oerd Bylykbashi.

Çani është shprehur se opozita duhet të ulet në tavolinë me mazhorancës për komisionin pasi njësoj janë të humbur, pasi nuk do të ketë ndryshim në 2025.

Oerd Bylykbashi nga ana tjetër është shprehur se opozita nuk do të marrë pjesë në këtë komision, duke refuzuar të bëhet palë me mazhorancën.

“Unë mendoj se këta duhet të ulen në tavolinë se keni mundësi që t’i tregoni jo vetëm atij që keni përballë por edhe publikut, ju refuzoni duke qenë prezent, madje pse jo të bini dakord për dy tre gjëra. Unë them po nuk u ulët në tavolinë, ai qëllimit do ja arrijë, ju i keni ikur disa herë pa qenë prezent. Provojeni të uleni se nuk humbni gjë, dukeni inatçorë. Nuk keni rrugë tjetër, i keni provuar rrugët e tjera dhe nuk ju ka funksionuar”,tha Çani.

“Më të shkuarën e kemi legjitimuar procesin duke u bërë pjesë dhe vendimet janë marrë siç kanë dashur ata, këtë radhë nuk do marrim pjesë”, u shreh Bylykbashi.

“Ju të humbur që të humbur jeni, fatkeqësisht në Shqipëri nuk pritet të ketë rotacion as në 2025, nuk është populli fare në këtë histori, ju duket sikur do ju quajnë tradhtarë, atë janë shitur për një copë bukë, futuni në poker dhe bëni blof”, tha Çani./ CNA





Lajmet e fundit nga