web counter
LEXO PA REKLAMA!

SHKARKO APP

App Store
Google Play

E fundit!

x

Komisioni i Posaçëm/ Bylykbashi: Opozita s’mund të bëhet palë, do ishte dënim me vdekje

30 Maj 2024, 22:55, Aktualitet CNA
Komisioni i Posaçëm/ Bylykbashi: Opozita s’mund të
Oerd Bylykbashi

Deputeti i PD-së, Oerd Bylykbashi ka komentuar ngritjen e Komisionit të Posaçëm që do të thërrasë në apel institucionet.

I ftuar në emisionin Now me Erla Mëhillin, Bylykbashi sqroi se qëllimi i krijimit të këtij super komisionit është për të future duart tek institucionet e drejtësisë.

Ai tha se do të ishte fatale për opozitën nëse në këto momente do të bëhej palë me kë takt të mazhorancës, do të ishte dënim me vdekje për opozitën.

“Një pjesë e deputetëve që ishin në sallë votuan kundër. Ne do të votonim kundër nëse do të ishim në sallë. Ky ishte një qëndrim që u shpalos që në momentin e Rezolutës. Rezoluta i shpjegon qëllimet e mazhorancës. Për të futur duart në të gjithë institucionet, jo vetëm në sistemin e drejtësisë. Por edhe institucionet e tjera të pavarura.

Në fundin e mandatit të tretë hedhin ofertën për të bërë reformimin e shtetit, me qëllim që të mbulojnë gjithë atë që ka ndodhur. Rama ka ardhur në momentin që rotacionin politik që ndodh me votë ta shndërrojë në një rotacion ministrash. Rama përsërit veten. Në momentin që bëhet oferta për t’u ulur në një komision parlamentar, që do të marrë në dorë funksionimin e shtetit, ka ligje me 3/5.

Ky komision do shkojë shumë më larg se kaq për të bërë ndryshime në ligjet e Reformës në Drejtësi. Është një paketë e përgatitur. Ajo që është e nevojshme është që si mundet që të bëhet palë në këtë histori edhe opozita në vitin e fundit para zgjedhjeve dhe për rrjedhojë opozita të asgjësohet.

Të bëhesh palë në momentin e fundit praktikisht është dënim me vdekje për opozitën. Sigurisht që ka ligje që vlen të diskutohen dhe shqyrtohen nga palët. Por ne kemi një ligj tjetër që po përpiqemi ta bëjmë, që është kodi zgjedhor, që Rama e ka bllokuar për momentin”, tha Bylykbashi./ CNA





Lajmet e fundit nga