web counter
LEXO PA REKLAMA!

SHKARKO APP

App Store
Google Play

E fundit!

x

Manjani nxjerr zbuluar Bardhin: Në dijeni të sekreteve të komisionit

30 Maj 2024, 23:06, Aktualitet CNA
Manjani nxjerr zbuluar Bardhin: Në dijeni të sekreteve të
Ish-ministri Ylli Manjani

Ish-ministri Ylli Manjani ka nxjerrë zbuluar kreun e grupit parlamentar të PD-së, Gazment Bardhin duke u shprehur se është në dijeni të sekreteve të komisionit të posaçëm që synon të thërrasë në apel institucionet.

I ftuar në emisionin Now me Erla Mëhillin, Manjani është shprehur se nuk është e rastësishme që në të gjitha këto komisionet që ngre Rama është Bardhi anëtar.

“Kanë ndërhyrë mbi 4 ligje të drejtësisë. Edhe mbi ligjin për SPAK. Gjoja nuk e preknin këta ligjin për SPAK. Meqë më pyete se çfarë është komisioni, është ligji i legalizimit, aluizni i pisllëqeve të bodrumeve të Parlamentit komunist të Shqipërisë. A ka nevojë të preket sistemi i drejtësisë? Po, por të përmirësohet.

Ka nevojë për një gjykatë mbi palët, për një gjykatës të përjetshëm në detyrë. Ka shumë vend për ndërhyrje dhe këto duhen bërë në transparencë, në konsultime politike. Këtu gjysma e deputetëve të PD nuk dinë gjë fare çfarë bëhet. Ka një grup që përfaqësohet nga Gazment Bardhi që është në dijeni të këtyre sekretllëqeve dhe Bardhi ka barrën të thotë di apo nuk di gjë.

Nuk është e rastësishme që në të gjitha këto komisionet që ngre Rama është Bardhi anëtar. Ajo është vendosur në bodrum për ta bërë fakt të kryer, siç u bë edhe Reforma në Drejtësi”, tha Manjani./ CNA





Lajmet e fundit nga