web counter
LEXO PA REKLAMA!

SHKARKO APP

App Store
Google Play

E fundit!

x

Foto - Vila superluksoze e prindërve pensionistë të Redi Mollës

31 Maj 2024, 12:01, Aktualitet CNA

Prindërit pensionistë të Redi Mollës, drejtorit të arrestuar të Erion Veliajt, kanë blerë një vilë luksoze në një nga zonat më të lakmuara të Tiranës.

Këtë e ka bërë të ditur drejtuesi i PD-së për Tiranën, Belind Këlliçi. Ky i fundit publikoi foto të vilës luksoze, për të cilën thotë se është blerë në kulmin e pandemisë, në korrik të vitit 2020.

Foto - Vila superluksoze e prindërve pensionistë të Redi
Vila që blenë prindërit e Redi Mollës

Këlliçi i bëri thirrje SPAK-ut të sekuestrojë pasuritë e Mollës, si dhe të drejtorëve të tjerë të kryebashkiakut të Veliajt, të përfshirë në dosjen “5D”, apo edhe në aferën e inceneratorit të Tiranës.

“Sot kolegët e Erionit duhet t’u japin llogari qytetarëve se përse pasuria marramendëse e Redi Mollës dhe të afërmve të tij nuk është nën sekuestro.

Sot SPAK-u duhet të na thotë se përse kjo vilë që shihni në ekran, me vlerë marramendëse në zonën më të lakmuar të Tiranës, e blerë nga 2 prindërit pensionistë të Mollës, në kulmin e pandemisë në korrik të vitit 2020, nuk është nën sekuestro dhe vazhdon biznesin e hotelerisë pa asnjë shqetësim.

Foto - Vila superluksoze e prindërve pensionistë të Redi
Drejtuesi i PD-së për Tiranën, Belind Këlliçi

SPAK-u nuk mund të veprojë si avokat mbrojtës i parave të korrupsionit në Bashkinë e Tiranës. SPAK duhet të sekuestrojë të gjitha pasuritë e zyrtarëve të korruptuar dhe duhet të ndalojë menjëherë kompaninë '5D' që të vazhdojë të përfitojë fonde publike.

Altin Dumani duhet ta faktojë me vepra atë çka deklaroi në Komisionin Parlamentar të Ligjeve, se kolegë të tij ai ka vetëm prokurorët e SPAK-u dhe hetuesit e BKH-së. Deri më tani, për fat të keq, është faktuar se kolegu i tij vijon të mbetet kryehajduti i Tiranës, pronari faktik i inceneratorit dhe kreu i bandës '5D', Erion Veliaj”, deklaroi ndër të tjera Këlliçi./ CNA





Lajmet e fundit nga