web counter
LEXO PA REKLAMA!

SHKARKO APP

App Store
Google Play

E fundit!

x

Belinda Balluku zbulon skemën korruptive në ujësjellësin e Vlorës/ “Do çoj dosjen në SPAK”

31 Maj 2024, 18:12, Aktualitet CNA

Belinda Balluku zbulon skemën korruptive në ujësjellësin e

Zëvendëskryeministrja, Belinda Balluku ka evidentuar skemën korruptive në ujesjellesin e Vlorës.Balluku është shprehur se ka patur shkelje dhe problematika të mëdha në këtë ndërmarrje.Numri dy i qeverisë sqaroi se ka gati dosjen për ta dorëzuar në SPAK.

“E vetmja ndërmarrje që ka një problem është ajo e Vlorës.  Por që të abuzohet në kurriz të qytetarëve të Vlorës, kjo është diçka që ju duhet ta dini zyrtarisht, kjo nuk është një çështje që do lihet në sirtare, por do ndiqet ligjërisht për të gjithë të përfshirët. Kjo është detyra ime personale dhe stafit të Ministrisë dhe do t’i shkohet deri në fund. Do çoj dosjen në SPAK. Kemi dy muaj që i kemi shkuar deri në rrënjët e fundit, deri aty ku është ngjizur kjo skemë. Dosjet janë gati”, tha Balluku.

Balluku tha se kemi të bëjmë me një grup të strukturuar, i cili ka vepruar në bashkërendim të plotë në kurriz të shqiptarëve dhe në kurriz të popullit të Vlorës. Sot UKV është në risk për të mos ofruar dot shërbime në kulm të sezonit.  Ajo parlajmëroi të personat e përfshirë duke thënë se i kanë hyrë detit në këmbë.

“I keni hyrë detit në këmbë. I keni rënë në qafë popullit të Vlorës, bizneseve, pensionistëve të Vlorës dhe të gjithë Shqipërisë dhe për këtë do përgjigjeni të gjithë. Ky është grup i strukturuar, i cili ka vepruar në bashkërendim të plotë në kurriz të shqiptarëve dhe në kurriz të popullit të Vlorës. Sot UKV është në risk për të mos ofruar dot shërbime në kulm të sezonit, sepse ca patën dëshirë të bënin para dhe besuan se zbuluan skemën e shekullit”, tha ministrja Balluku./ CNA





Lajmet e fundit nga