web counter
LEXO PA REKLAMA!

SHKARKO APP

App Store
Google Play

Organizoi sulmin e Sokol Mëngjesit/ Nesër del para Gjykatës organizatori dhe autori i arrestuar

31 Maj 2024, 17:35, Aktualitet CNA

Organizoi sulmin e Sokol Mëngjesit/ Nesër del para Gjykatës

Dritan Nano dhe një prej autorëve, Dorian Alia do të dalin nesër para gjyqit në Gjykatën e Tiranës lidhur me akuzat për organizimin dhe kryerjen e dhunës ndaj avokatit Sokol Mëngjesi, i cili ndodhet ende në gjendje të rëndë shëndetësore në spital.

Ngjarja ndodhi mëngjesin e 29 majit në zonën e ish-bllokut, ku avokati u godit nga disa persona të cilët janë identifikuar nga policia si Dorian Alia, Drivald Alia, Romario Tabaku dhe Elton Kasaj, ndërsa Dritan Nano u arrestua si porositësi i akti brutal.

Dorian Alia, 32 vjeç, u vetëdorëzua pas ngjarjes, duke dhënë dëshmi që vërtetuan dyshimet e policisë për përfshirjen e Dritan Nanos.

Nano, 58 vjeç, akuzohet se ka organizuar dhunën pasi refuzoi të likuidonte avokatin sipas një kontrate të firmosur, pasi Mëngjesi fitoi gjyqin për pronën e një familje me 8 trashëgimtarë, ku sot janë ndërtuar kulla te Diga e Liqenit. Ndërkohë, tre autorët e tjerë janë ende në kërkim.

Policia po vazhdon kërkimin e autorëve, ku ka vënë në dispozcion 20 mijë euro për cilindo që jep informacione për autorët.

Ngjarja ka tronditur mbarë opinionin publik./ CNA





Lajmet e fundit nga