web counter
LEXO PA REKLAMA!

SHKARKO APP

App Store
Google Play

“Kompania 5D ende xhiron miliona”/ Këlliçi: Në 28 Maj, Veliaj pagoi dy fatura mijëra euro

31 Maj 2024, 16:49, Aktualitet CNA

“Kompania 5D ende xhiron miliona”/ Këlliçi: Në 28

Drejtuesi politik i PD-së  për Tiranën, Belind Këlliçi ka denoncuar skandalin e ri në të cilin është përfshirë Erion Veliaj.

Në një intervistë, Këlliçi është shprehur se në 28 Maj Veliaj ka paguar dy fatura në favor të kompanisë 5D.

Ai denoncoi se kompania 5D ende xhiron miliona.

Më tej Këlliçi nënvizoi se është një turp dhe një karshillëk ajo që bën Veliaj ndaj drejtësisë dhe qytetarëve të Tiranës.

“Për një projekt që e kam denoncuar kur isha kandidat, projekti te liqeni i thatë.  Kishte marrë përsipër të ndërtonte një korsi biçikletash. Punimet kishin një afat për 6 muaj për ta përfunduar, që në 2022.

Sot që jemi në Maj të 2024 nuk është hedhur një lopatë dhe për këtë janë paguar 307 mijë euro nga qytetarët e Tiranës për kompaninë 5D për punë të pakryera.

Në 28 maj Veliaj paguan dy fatura në favor të 5D

Tallje, karshillëk, nëpërkëmbje, përbuzje për drejtësinë dhe qytetarët e Tiranës nuk kam parë.

Kompani 5D sot që flasim vijon të bëjë biznes e qetë. Kompania xhiron miliona, hoteli në Durrës vijon punimet.

E dinë të gjithë që hoteli është i Lali Erit.

Hotelin e Redi Mollës ja nxorëm sot te zona e pazarit të ri është blerë nga prindërit pensionistë të Redi Mollës.

Tallje më të madhe me organet e drejtësisë nuk kam  pare”, tha Këlliçi./ CNA





Lajmet e fundit nga