web counter
LEXO PA REKLAMA!

SHKARKO APP

App Store
Google Play

E fundit!

x

“Sfidë apo e vërtetë”, loja virale në “TikTok” që po rrezikon jetën e nxënësve në Kosovë

2 Qershor 2024, 15:30, Aktualitet CNA

“Sfidë apo e vërtetë”, loja virale në

“Sfidë apo e vërtetë” quhet loja që po bëhet virale në rrjetin social “TikTok”. Loja konsiston me gërvishtje të krahut apo pjesëve të trupit, “për të nxjerrë dhimbjen nga vetja”.

Këtë lojë kanë filluar ta luajnë shumë fëmijët, kryesisht ato të shkollave fillore në Kosovë.

Për të plotësuar sfidat ata po rrezikojnë edhe jetën e tyre, pasi ka edhe raportime për të lënduar.

Mediat në Kosovë kanë raportuar se dy shkolla në komunën e Fushë Kosovës dhe një në Komunën e Lipjanit, kanë informuar autoritetet se nxënës të tyre kanë lënduar veten.

3 nxënës në shkollën “17 Shkurti” në Gllogovec të Lipjanit, të moshës nën 14-vjeç kanë marrë pjesë në këtë lojë dhe janë lënduar me mprehësen e të lapsave.

Në shkollat “Mihail Grameno” dhe “Daut Bogujevci” në Fushë Kosovë janë vetëlënduar 17 nxënës.

Loja në “TikTok” ka alarmuar autoritetet në Kosovë dhe si rrjedhojë janë anuluar aktivitetet festive për 1 Qershor në disa shkolla./ CNA





Lajmet e fundit nga